Hulanda ta aproba combersacionan pa reapertura gradual di frontera cu Venezuela

WILLEMSTAD – Hulanda, Aruba y Corsou kier un reapertura gradual di e frontera cu Venezuela.  Esey ta bay sosode via un serie di reunion techinco. Asina minister di relacionan exterior di Hulanda Wopke Hoekstra a bisa durante un conferencia di prensa na Corsou diamars. E la reuni cu e prome ministernan di Aruba y Corso una tal occasion. Interesante ta cu e mandatario a subraya cu e combersacionan aki ningun momento ta nifica cu ta reconoce e resultado di e eleccion na Venezuela di 2021. 

FRONTERA CERA

Presidente di Venezuela Nicolas Maduro a cera e frontera cu Aruba y Corsou na februari di 2019. Un aña prome e la haci mescos pa un temporada cortico. Despues Aruba a cera esaki na 2020 y e la keda cera te cu awor. 

REUNION NA CORSOU

Premier di Corsou Gilmar Pisas a declara cu e prome reunion technico lo sosode na Corsou y cu a manda un invitacion pa Venezuela pa e reunion aki. E tres premiernan di Aruba, Corsou y St Maarten hunto cu Hoekstra a bisa cu nan kier habri e frontera bek solamente a base di acuerdonan solido. E combersacionan lo cuminsa dentro di poco, riba con por habri e frontera gradualmente. e paisnan y minister di “Nos ta spera di yega na un acuerdo cu e bisiña mas grandi di e Reino. E combersacionan technico lo ta e prome paso” Hoekstra a sigui bisa, agregando cu e relacionnan cu Venezuela semper lo keda compleho. 

TEMPO

Riba e pregunta di prensa kico e tempo lo ta pa e reapertura, premier Wever a bisa cu Aruba kier pa prome tin un reapertura gradual ordena, cuminsando cu e frontera maritimo. Si ta pa Aruba, ta habri e frontera prome pa barconan chikito cu por yega e isla cu fruta y berdura pa asina baha e prijs compara cu esnan cu ta wordo ofreci aworaki den supermercadonan, cu ta mucho mas caro pasobra ta importa esaki for di Merca y Europa. Banda di esey, lo permiti barconan priva grandi, sigui pa aeroliñanan comercial y den e ultimo fase, avionetanan priva. 

Segun Hoekstra, tabata dificil pa duna un tempo pa e reapertura gradual. “Loke mi por bisa awor ta cu nos a palabra pa inicia e combersacionan technico”. Premier Pisas a subraya cu e reapertura maritimo no solamente tabata importante pa bringa e costo halto di cuminda, pero tambe cu ta crucal pa reestablece e trafico aereo cu Venezuela pa hendenan por bolbe nan pais. “Pero, bo mester tin cautela cu palabracionan relaciona cu Venezuela, sino porta ta (bolbe) cera e portanan” e mandatario a finalisa bisando. Awe e mandatario Hulandes ta biaha pa Aruba. 

Texto ta cu colaboracion cu Dick Drayer. Potretnan cortesia Dick Drayer.