DVG: A stop vacunacion den bario debi na scarsedad di vacuna Bivalent

ORANJESTAD - A stop vacunacion den bario debi na scarsedad di vacuna Bivalent.  Asina DVG a informa diamars. Segun DVG, Aruba recientemente a haya un cantidad limita di vacuna Bivalent pa por wordo suministra como boostershot na e gruponan di risico den nos comunidad. Pa cu esaki DVG conhunto di Bureau Rampenbestrijding a drenta districto di Noord y siguientement mester a drenta Santa Cruz riba dianan 24, 25 y 26 di oktober y despues San-Nicolas. Pero debi na e demanda grandi, DVG tin pa informa cu lamentablemente entrante 25 di oktober nos tin pa pospone e vacunacion den bario pa e dianan cu ta sigui debi cu vacuna Bivalent ta cabando.

DVG ta enespera di mas vacuna cu lo yega for di Hulanda den e proximo simannan nos dilanti. Manera cu e vacunanan yega nos lo informa comunidad mesora y lo reanuda e skema di vacunacion den e barionan cu a keda falta.

Pa mas informacion like e Facebook page Directie Volksgezondheid DVG Aruba, Follow nan riba Instagram directie_volksgezondheid_aruba, subi nan website www.dvg.aw, yama nan na 5224200 of mail nan na servicio@dvg.aw