E dos hombernan perdi riba lama, ta bek na tera firme

SAVANETA – Awe mainta trempan, riba un superrib di Guarda Costa hulandes, a trece e dos kitesurfernan, -e americano John Grady (38) y argentino Fernando Dulce (45)-,  perdi tera bek na Savaneta Kamp. Ambos tabata den basta bon salud y contento di ta bek riba tera firme.

RESCATE

Tabata ayera nochi, manera cu NoticiaCla.com a raporta inicialmente, cu e tankero Port Said a haya e boto cu e 2 kitesurfernan ariba dje na 37 miya noordwest di Aruba. Ora cu a meld e buskeda di e 2 kitesurfernan mesora a pone e alerta ariba e sistema Navtex. Navtex ta un sistema cu ta meld na Tur barco den e area cu tin un boto cu 2  hende perdi. 

LOCALISA BOTO PERDI

Un tiki despues di 7 or di anochi e tankers Port Said a detecta un Lus chikito ariba lama y ora nan a bay mas serca a encontra e boto cu e 2 personanan perdi. 

FREGATA

E fregata (stationschip) Zeeland a piki e dos personanan aki di e tankero y laga nan pasa anochi riba e fregata, pa por descansa. Awe mainta trempan, nan a trece e dos personanan perdi, bek pa tera, finalisando un odisea cu un final feliz.