Arubahuis ta evaluando pa cambia concepto di celebracion di Arubadag

DEN HAAG – Arubahuis a lansa un encuesta via Facebook awe dirigi na personanan di Aruba, sea studiante of residente regular di Aruba cu ta residencia na Hulanda, pa sa nan pensamento riba e futuro di Arubadag. E comision ta yama su mes ‘Comision Caminda pa Arubabag’ y ta haci un cierto cantidad di pregunta na e participante. Notable ta cu si bo no ta bibando na Aruba, bo no por participa na e encuesta. Segun e encuesta,  nan ta aplaudi cada Arubiano cu ta tuma e reto riba dje pa bay biba den exterior sea pa motibo di studio, di trabao of otro motibonan. 

KEDA CONECTA CU ARUBA Y SU ORIGEN

E encuesta ta mustra cu ta importante pa e Arubiano den exterior keda conecta cu Aruba y su origin. Y den cuadro di esaki, kier introduci un concepto nobo pa e persona di Aruba na Hulanda, tin algo, otro cu e concepto regular di e celebracion di Arubadag. E ta mustra den direccion di un expo envez di un fiesta, pa por logra e meta. Den un serie di pregunta, cu (segun e encuesta) ta dura 4 minuut pa completa, ta e intencion di acumula e informacion pa despues dicidi e futuro di Arubadag.