Hulanda y Venezuela a reuni riba cooperacion di frontera entre Venezuela y islanan ABC

CARACAS – Gobierno di Venezuela y Hulanda a revisa e cooperacion di frontera entre Venezuela y islanan ABC. Asina ministerio di exterior venezolano a informa. E revision a tuma lugar durante un encuentro cu e vice ministro pa Europa di e cancilleria venezolano Yvan Gil, y e embahador Hulandes Robert Schuddeboom. Den un comunicado, e cancilleria a sigura cu e diplomaticonan a revisa e relacionan bilateral y e aspectonan cu tin di haber cu e frontera comun. Mas informacion no a duna. Nan ta tratando riba nivel di gobierno pa yega mas cerca pa un reapertura di e frontera. 

LOCALMENTE

Riba tereno local, Aruba a anuncia cu ainda no ta cla pa habri e frontera, pasobra tin asuntonan cu tin cu regla prome cu esaki tuma lugar. Ta premira cu esaki por sosode dentro di poco, y no ta descarta cu prome cu fin di aña tin un cambio di politica unda cu posiblemente por habri e parti maritimo prome cu fin di aña. Mientrastanto a prolonga e ciere di e frontera cu 3 luna recientemente cu ta nifica cu esaki ta keda cera te medio December 2023. Pero si logra keda cla prome cu esey, por kita e parti maritimo.