Debi na menasa contra su bida, yiu mayo di Rey Willem Alexander no por biba na Amsterdam mas

DEN HAAG – Prinses Amalia, yiu di Rey Willem Alexander pa motibo di menasa contra su bida, no por keda na su cas na Amsterdam mas. Asina su tata, e Rey a bisa diahuebs durante un conferencia di prensa. “De hecho e no por sali for d su cas mas. Menasa di pafo tin consecuencia grandi pa su bida” e Rey a sigui bisa. Amalia ta bayendo scol na Amsterdam, pero awor mester bolbe su cas original na Den Haag. “E ta hopi dificl pe, e no tin un bida di studiante manera otronan tin” su mama Reina Maxima a sigui bisa. Rey Willem Alexander no por a describi kico exact e menasa ta haci cu ne mes. E ta haya e situacion hopi pisa. Y Reina Maxima ta bira basta emocional riba e tema. E prinses por bay universidad si, pero tee y. E prinses a inicia su estudio na e scol den Politica, Psicologia, Ley y Economia. Pa esey, e la muda pa Amsterdam. Pero mitar September a sali na cla cu e seguridad rond di Amalia a aumenta. Criminalnan lo tin plan pa tene un atentado riba dje y premier Mark Rutte. Fuera di esey, no a haci mas declaracion riba e tema.