Gezaghebber Rijna mes lo tuma vacacion ora cu investigacion inicia

KRALENDIJK – Despues di refleha e ultimo oranan riba e situacion cu a surgi na Bonaire rond di un intencion pa investiga posibel asunto di violacion di integridad, gezaghebber Edison Rijna mes a kibra silencio riba e tema y anuncia diahuebs merdia cu unabez cu e investigacion inicia, e mes ta tuma vacacion di dos siman pa duna tur espacio pa investigacionan tuma lugar. Esaki pasobra contrail na e pensamento inicial di e Conseh Insular, nan no por ‘schors’ of pone e gezaghebber riba nonactief manera cu nan mocion a pidi pe e siman aki. “Na comienso di e investigacion ta scohe pa bay cu vacantie pa dos siman”? e mandatario a bisa NoticiaCla diahuebs atardi. “Tanten mi ta keda den funcion como gezaghebber di Boneiro” e mandatario a sigui bisa e portal aki. Ademas sr Rijna a bisa noticiacla cu e lo bay pa bishita di trabou pa Hulanda y Brussels den e dos simanan benidero. Lesa e comunicado general cu e mandatario a manda, AKI.