Aruba Bank: Algun cliente a descubri cobransa ‘no autorisa’ riba nan tarheta debito

ORANJESTAD – Aruba Bank diahuebs mainta a cobra algun cliente sin cu esaki lo tabata autorisa. “Awe mainta nos a constata, cu algun cliente a descubri cobransa “no autorisa” ariba nan tarheta di debito” e banco a sali bisa mesora ora cu a descubri e fayo. “ E incidente ta wordo investiga y ta den man di e departamento corespondiente. Tur cliente afecta lo wordo contacta y banco lo debolbe e suma en cuestion na cada un debidamente” e banco a finalisa bisando. No ta conoci cuanto cliente di e banco a keda afecta pa e ‘cobransa no autorisa’ aki