Despues cu a detene na Aruba na maart, a bolbe detene traficante Wortel na Hulanda awe

AMSTERDAM – E arestatie team di Dienst Speciale Interventies (DSI) na Hulanda a detene e conocido traficante di droga surnameño P. Wortel den un cas na Almere diamars mainta (awe). E ta wordo sospecha di envolvimento di dos likidacion y traficacion grandi di droga. Un di e likidacionnan a tuma lugar na Corsou. Despues cu autoridad di Aruba a detene e mesun Wortel aki na maart di e aña aki ora cu e la yega for di Surnam, a transporte pa Hulanda unda cu e tabatin huisarrest y cu banchih di seguridad. Pero mirando cu su ultimo fase di castigo a cuminsa, polis y OM a dicidi di detene atrobe, pasobra tabatin e sospecho cu e lo purba huy y bay Surnam atrobe y e ora lo no por a detene mas pa e sinta resto di su castigo. E la yega di huy caba durante su verlof y a bay Surnam. Ta ora cu e la bin Aruba, a pone man riba dje atrobe. Wortel ta sospecha di ta envolucra den asesinato riba e ex futbolista professional Kelvin Maynard na 2019.