Prensa di Paraguay a elogia bolicheronan Dammers pa nan medaya di oro gana na Odesur

ASUNCIÓN – E rumanan bolichero di Aruba Abigail y Kamilah Dammers a luci den prensa internacional y di Paraguay dialuna anochi y diamars mainta, despues di a logra gana oro den e competencia di bowling pa doubles na ODESUR. Prensa di Paraguay ta papia di un ‘efectividad sensasional di un final’, ‘demonstrando e bon nivel cu cual nan ta conta pa aumenta number di medaya den e weganan aki, sumando e di dos oro di historia pa su pais den ODESUR”. E portal di Paraguay ta sigui conta con Abigail y Kamilah a supera a pareha colombiana forma pa Juliana Franco y Clara Guerrero, cu un marcador di   1336 punto  riba 1140, durante e weganan semifinakl, pa despues vence 1271 a 1216, na e cariocas Roberta Rodrigues y Stephanie Dubio. Ademas di Aruba, dos otro pais, Colombia y Venezuela a logra cay den premiacion.