E disturbio cu a pasa pazuid di Aruba a genera 24.8mm di awa

ORANJESTAD – E mal tempo a consecuencia di e ciclon potencial #13 cu a pasa pazuid di Aruba, te awor a genera 15.3 mm di awa, di 3’or di ayera tardi pa awe mainta 6’or. Pero en general for di momento cu Aruba a cuminsa sinti su efectonan, e total di awa cu a cay y keda registra, tabata 24.8 mm te awor, segun meteorologo David Barkmeyer di Servicio Meteorologico di Aruba a informa NoticiaCla.com diabierna mainta. E yobidanan tabata sporadico, isola y varios caminda duro rato rato. Awe mainta atrobe tabatin algun jobida duro isola, pero ta mustra cu e tempo ta ‘mejorando’ aunke cu e situacion ta keda instabil, cu ta nifica cu tin awacero cu por cay e proximo dianan.