Servicio di ambulance porfin a muda pa Wayaka Falls

ORANJESTAD - Un luna mas laat cu planea, pero e personal di ambulance e siman aki a muda porfin pa nan localidad nobo cu ta den Wayaka Falls Mall, na Wayaka. NoticiaCla.com a raporta riba esaki un luna pasa, y a mustra cu e intencion tabata pa muda e prome siman di maart. Pero trabounan no a keda cla na tempo, cu a pone cu a conoce un retraso di practicamente henter un luna. Awor cu e mudansa a tuma lugar, e personal ta den un edificio nobo, diferente y cu un miho structura. E espacio cu ambulance ta usando awor ta mas amplio y modifica riba gasto di e doño di e edificio, y gehuurd pa un periodo di 2 aña.