Corte a sentencia asesino di Sayuri Petronia na 9 aña di prizon y TBS

ORANJESTAD – Corte a sentencia e homber cu a tira e dama Sayuri Petronia mata, esta Izak Principaal na 9 aña di castigo di prizon y despues e tin cu bay Hulanda pa tratamento di TBS (Tratamento obligatorio den un institucion special). Principaal na juli di 2021 a tira e victima Petronia den un cas na San Nicolas cu consecuencia fatal. Huez a splica cu no por a proba cu ta intencionalmente e la tira e dama mata. Ta proba si segun huez cu Principaal a tene arma dirigi’e na e victima y e ora e tiro a cay. A dicidi pa huzga e persona culpable como adulto, pasobra e tin un ‘rap sheet’ (strafblad) largo di cosnan di adulto cu e la comete den pasado.