Comision evaluacion Rijkswet Financieel Toezicht Corsou y St Maarten nombra

DEN HAAG - Rijksministerraad riba proposicion di minister Plasterk Binnenlandse Zaken en Koninkrijksrelaties) a bay di acuerdo pa nombracion di e comision di evaluacion di e Rijkswet Financieel Toezicht. E comision mester duna su conseho riba e pregunta cu si Corsou y St Maarten ta cumpli cu e normanan di e Rijkswet.

CONCEPTO

Den e Rijkswet Financieeel Toezicht Curacao en St Maarten, ta prescribi cu 5 aña despues di entrada di e ley aki (10-10-10) Conseho di minister di Reino mester dicidi si mester sea laga e ley aki cay completo, of parcialmente pa loke ta e supervision financiero pa e dos islanan aki. Prome cu e decision aki tuma lugar, lo mester tuma lugar un evaluacion door di un comision.

CONSTELACION

Conseho di minister di Reino a dicidi pa nombra e siguiente miembronan den e comision di evaluacion:

Sr Ron Gomes-Casseres, alavez presidente, procedente di Corsou,

Sr Reuben George Essed na nomber di Sint Maarten;

Sr Edelmiro Alejandro Seferina na nomber di Curaçao;

Sr Marcel Peter van Gastel na nomber di Hulanda.

E comision lo inicia su trabou e luna aki y dentro di tres luna, manda nan conseho pa Conseho di minister di Reino.