E di tres disturbio sigui cu mesun ruta ta move den nos direccion

MIAMI/ORANJESTAD – Pa di tres biaha durante e temporada di horcan 2022, Aruba ta riba e ruta di un disturbio cu por bira un depression of te hasta un tormenta tropical. Aruba su ubicacion particular a pone cu e prome dos disturbionan no a afecta Aruba directamente y ta spera cu e di tres tin e mesun ‘destino’. E ta remarcabel cu e prome dos disturbionan tabatin e mesun ruta. E prome no a bira nada te leu despues di a pasa nos, y a bira tormenta Bonnie, sigui pa e depression #9 cu a forma panord di Aruba y bira horcan feroz Ian causando hopi morto siman pasa ainda. Awor tin e disturbio cu a haya e nomber Invest 91L cu ta dirigiendo su mes pa nos direccion, esta islanan ABC (Aruba, Bonaire y Corsou). Ta spera cu lo sinti su efectonan den careda di diahuebs of diabierna proximo 

E DISTURBIO

Segun e pronostico di National Hurricane Center di awe mainta 8’or , e disturbio a organisa su mes miho desde diadomingo, y ta premira desaroyo mas miho den e proximo dianan. E ta ubica oost di Isla Riba y ta pronostica cu e por bira un depression tropical dentro di e proximo dianan, mientras cu e ta move generalmente direccion west cu forza di biento di 15 pa 20 miya pa ora. Chens pa e formacion den 5 dia ta aumenta na 40% di probabilidad.