Europa y Merca ta condena e anexion di regionan Ucrania y ta impone sancionan nobo

DEN HAAG – E anexion illegal di 4 region di Ucrania awe, ta wordo condena severamente riba nivel internaconal. Merca y Europa ta reacciona cu sancionan nobo contra Rusia. E sancionan mericano ta dirrigi contra e compleho industrial tras di e  guera, manera infrastructura. Segun presidente Mericano Biden e ta un intento fraudulento pa reclama tereno di Ucrania. Premier Hulandes papiando pa Europa, a condena e acto aki tambe severamente contra Rusia. 

RECONOCE

E mandatario a sigura cu Hulanda lo no reconoce e anexion nunca. Europa ta trahando riba un pakete nobo di sancion, segun Rutte a sigui bisa awe diabierna mainta. Minister hulandes di relacionan exterior, Hoekstra a nenga di acepta di e embahador Ruso cu lo tin e cambio cu Rusia a anuncia y ta considera tur e actonan aki como illegal.