Horcan Ian ta casi categoria 5 mientras e ta yegando Florida

Horcan Ian ta casi categoria 5 mientras e ta yegando Florida

Posted on 09/28/2022 9:26 am AST | Updated on 09/28/2022 9:28 am AST

MIAMI – Horcan Ian tabata yegando categoria 5 diaranson mainta preparando pa subi tera na e parti west di Florida. National Hurricane Center ta considera e horcan categoria 4 (casi 5) como uno extremadamente peligroso. E horcan a cuminsa bati e costa caba cu biento feroz y awacero torencial, cu chens pa causa daño catastrofico sin presendencia ora cu e subi tera. E horcan ta 2 miya di forza leu d ta un horcan categoria 5 cu ta esun di mas grandi y peligroso.  

  • Basketbolista mericano Brittney Griner libera di prison ruso den intercambio pa traficante di arma ruso

    Basketbolista mericano Brittney Griner libera di prison ruso den intercambio pa traficante di arma ruso

    MOSCU – E basketbolista professional femenino mericano Brittney Griner a keda libera di prison ruso diahuebs, como parti di un intercambio di prisoner. Griner tabata deteni y sentencia riba cargo di traficacion di droga, comienso di e aña aki. E prisonero pa cual a intercambie, ta e traficante internacional ruso di arma Victor Bout. Siman pasa presidente mericano Joe Biden a duna e aprobacion final pa e intercambio aki. E intercambio a tuma lugar awe na Emirato Arabe Uni.  

  • Parlamento di Peru a baha su presidente Pedro Castillo

    Parlamento di Peru a baha su presidente Pedro Castillo

    LIMA – Parlamento di Peru a baha su presidente Pedro Castillo diaranson atardi. Despues, trupanan di seguridad a detene e presidente. Prome cu e voto di desconfiansa, Castillo a anuncia pa desolve e Parlamento den un intento pa evita su retiro. Den un discurso televisa, e la anuncia un gobierno interino y un toke de queda y eleccion nobo. Pero tur esaki a crea aun mas critica riba dje. Vise presidente Dina Boluarte ta papia di un golpi di estado. Ta intencion pa Boluarte sigui goberna e pais awor cu a baha Castillo. 

  • Pelicula di Aruba ‘Blackout’ a gana premio ‘Foreign movie’ na India

    Pelicula di Aruba ‘Blackout’ a gana premio ‘Foreign movie’ na India

    ORANJESTAD - E siman aki, e productor local Angel Antonio Soto cu orguyo a informa Aruba cu su pelicula Blackout a gana e premio di miho pelicula internacional den e Festival anual di cine Lakecity na New Delhi, India. 

  • A kita titulo di Miss Bolivia pa a haci comentario ofensivo e.o. contra representante di Aruba

     A kita titulo di Miss Bolivia pa a haci comentario ofensivo e.o. contra representante di Aruba

    LA PAZ- Despues cu noticiacla siman pasa a bin cu e primicia riba e problema cu e representante di e pais boliviano Maria Fernanda Pavisic a haya sum es aden door di comentarionan deningrante contra e.o. representante di miss universe pa Aruba y otro paisnan, a bira conoci cu Pavisic a perde su derecho pa representa Bolivia otro aña januari den e certamen Miss Universo 2023. Asina e portal boliviano Los Tiempos ta confirma dialuna. Esta cu a kita e titulo di Pavisic. Ta considera cu debi na e accionan di Pavisic, e la viola e contracto cu e tabatin pa cu e representacion di su pais. Door di cu e la perde su titulo di miss Bolivia, e no por representa e pais ey mas.  

  • RVD: Reina Maxima lo sostene Hulanda diabierna den wega contra Argentina

    RVD: Reina Maxima lo sostene Hulanda diabierna den wega contra Argentina

    DEN HAAG – Reina Maxima ta sostene e seleccion nacional di futbol di Hulanda diabierna ora cu e enfrenta e seleccion di Argentina den e Copa Mundial di futbol Qatar 2022. Asina e servicio di informacion di Reino RVD a confirma dialuna. “Como hulandes y Reina di Hulanda, e ta pa Hulanda” vocero di RVC a bisa. E Reina cu a nace na Argentina, a wordo felicita diahuebs ultimo durante e evento Meet The World pa e victoria di Argentina contra Polonia. Despues di e gradicimento, e Reina a pidi tur hende presente pa ‘grita’ pa Hulanda. Si e Reina ta bay sostene e seleccion for di stadion na Qatar diabierna, ainda no ta conoci. Hulanda a gana di Merca diasabra y a pasa pa e cuarto di final  contra Argentina. Y semper tin e dilemma di cu Maxima, siendo un argentinero, lo sostene Hulanda of Argentina. Tin varios meme circulando caba, cu e tema aki. 

  • Miss Universe Aruba a participa den discusion riba violencia di genero cu otro candidatanan di e certamen

    Miss Universe Aruba a participa den discusion riba violencia di genero cu otro candidatanan di e certamen

    MIAMI – Miss Universe Aruba Kiara Arends hunto cu 8 otro candidata pa e certamen di Miss Universo a participa diahuebs den un combersacion riba violencia di genero na spaño. Fuera di Aruba, a participa Miss Universe Argentina Barbara Cabrera, Miss Universe Costa Rica Maria Fernanda Rodriguez Ávila, Miss Universe Ecuador Nayelhi González, Miss Universe El Salvador Alejandra Guajardo Sada,  Miss Universe Ghana Engracia Mofuman, Miss Universe Nicaragua Norma Huembes, Miss Universe Paraguay Lia Aymara Duarte Ashmore, y Miss Universe Spain Alicia Faubel. E tabata un combersacion hopi interesante cu a dura por lo menos 45 minuut. E certamen di Miss Universo ta dia 4 di januar 2023 na New Orleans na Merca. Por wak e discusion di e candidatanan AKI. 

  • Powered by SETAR