‘Canal di television nobo’ y ‘partido politico nobo’ ta fabrica pa 1 april!!!!

ORANJESTAD – Siendo e unico dia den aña cu un medio por ‘gaña’ su audiencia y no perde cara, NoticiaCla.com a probecha cu varios noticia cu ta ‘fabrica’ pa e motibo ey. Entre nan, e noticia di e canal nobo di television (lesa aki), e creacion di partido politico (lesa aki) y esun di seramento di maho beach na St Maarten (lesa aki). Tur tabata noticianan ‘fabrica’, pues cu no ta berdad.

TRAMPA

Tabata notable e cantidad di persona cu a ‘cay den e trampa’ y a comenta como si fuera e noticia ta berdad. Si midi e noticianan, por bisa cu practicamente mitar di esnan cu a mira y lesa y reacciona ariba nan, a kere e noticia, mientras cu e otro mitar a compronde mesora cu ta trata di un noticia ‘falso’.

NOTICIA CONFIABEL

NoticiaCla.com como un medio serio y ta basa su mes riba informacion veridico y confiabel, ta spera cu a gosa di e unico dia di ‘gañamento’, y ta sigura cu entrante awe, tur noticia publica, ta sigui ta berdad y veridico. Pasa un feliz fin di siman santo y usa esaki pa refleha.