Emisora Power 101.7 FM cu e wega ' Hunga Cu Mi'

ORANJESTAD - Aun ta fresco den nos memoria cu ariba un diasabra di dia prome di September di aña 2012 POWER FM 101.7 a bay den aire pa prome biaha. Pa exactamente un ora mas un minuut e fiesta a cuminza cu bandanan musical y un bar y cushina bon surti, yamando bon bini na e radio nobo cu lo mester a trece un direccion nobo den radio difusion. Ya for di e prome momentonan bo por a sinti e dinamismo, e aire fresco di POWER … un variacion incomparable di Dj’nan live pa 2 ora cada un for di 6or di mainta te 12or di anochi, e presencia en BIBO na actividadnan importante, e alegria transmiti den e forma mas positivo ta duna POWER un posicion clave den nos comunidad. Awo den cuadro di e celebracion di nos di 3 aña di existencia nos kier duna algo mas n’e pueblo, nos kier ta interactivo cu e oyente den un forma alegre y despues di intercambia di idea gerencia a bin cu e campaña yama: HUNGA CU MI.Pero prome cu nos yega ne campaña cu duracion di 6 luna aki, nos lo kier anuncia algun cambio di programacion. Primeramente nos ta introduci Mc. OZ cu ta drenta den e famia di POWER como e producer di e radio y Dj di “Na caminda pa Cas” reemplazando Melvin Garcia kende a scoge pa un direccion nobo na kende nos ta gradici inmensamente pa su dedicacion for di e prome instante di e radio.Tambe nos kier gradici Kevin v Ommeren cu for di principio a ocupa e posicion di redactor di e POWERNEWS 101.7, pero debi na su ocupacion na su propio negoshi esta HAMAKA SIDE WALK CAFÉ , e mester bandona su pasion esta radio, pa asina nos yama bonbini na TITO LACLE kende ta drenta POWER cu su NOTICIA CLA MERDIA, cu por medio di un combersacion e oyente lo wordo informa di e ultimo sucesonan cu a acontece… innovativo un biaha mas…Riba diasabra merdia e conteo oficial di e 40 exitonan di siman presenta pa Ivan Kellie Jr. lo conoce un cambio na unda nos lo introduci e lovely couple di ANDY y VERO presentando for di 1or te 2or un variacion di musica di ayera titula “BIBA DIASABRA”, pa despues e vos autoriza di Ivan presenta e conteo oficial.POWER FM como radio mes lo organiza algun actividad manera CAR RALLY, BOWLING TOURNAMENT, CAMINATA, BEACH VOLLEYBAL y algun evento mas cual recaudacion lo bay pa diferente organisacion caritativo y di servicio di nos isla.Awo kico ta HUNGA CU MI :Nos departamento di venta a aserca 15 diferente comerciante pa forma parti di e campaña aki, pa asina nan clientenan participa den nos campanja cu awe oficialmente ta inicia. E asociadonan aki lo ricibi coupon pa asina entrega esaki na nan clientenan ora nan haci nan compra den nan negoshi. E coupon aki e cliente lo por redoble door di HUNGA CU NOS tur diasabra entre 10or di mainta pa 12or di merdia na un di nos 15 comerciantenan aki. E wega lo ta simple,yega cu bo coupon, kies un envelope den nos studio cu lo ubica den di diferente pacusnan aki y contesta un solo pregunta. Si bo contesta corectamente bo coupon ta wordu redobla pa asina bo tire den tombola. Si ba contesta fout bo ta perde bo coupon pero bo ta haya un troostprijs. Tur coupon ta bai den un tombola grandi ya cu e campaña aki lo tin un duracion di 6 luna, pa asina nos yega ne culminacion di dia prome di September …cu ta dia di nos aniversario. Considerando cu dia promer ta diamars nos lo adelanta e final di e campaña pa dia 30 di Augustus, ora cu dilanti di nos studionan situa na Pierda Plat riba e parking lot durante un tremendo happening incluyendo entretenimento di 5 banda musical, un feria popular, stunt shows y mucho mas, nos clausura e celebracion regalando un gran promer premio cu ta …..Por favor compaña nos pafo pa boso sera conoci cune…CORDA BON HUNGA CU NOS Y CELEBRA NOS 3 AÑA DEN AIRE….