CEO di cadena di supermercado Jumbo na Hulanda ta retira temporalmente

AMSTERDAM – E CEO y director di e cadena grandi di supermercado Hulandes Jumbo, Frits van Eerd a anuncia su retiro temporal di su funcion. Siman pasa e la keda deteni como sospechoso den un caso di labamento di placa. Weekend pasa e la keda den libertad temporal pero a keda como un sospechoso den e caso. Despues di deliberacion cu su famia y e hunta di comisario di e empresa, e la dicidi di tuma e decision. “Esaki ta den interes di Jumbo y ta haci posibel pa Frits pa concentra su mes completamente riba su situacion personal” e compania ta bisa den un comunicado. Dentro di poco e compania ta spera di por duna mas informacion riba desaroyo di e empresa.