Grupo di sindicato ta considera areglo nobo di overtime como iresponsabel

ORANJESTAD – E decision di gobierno di Aruba pa regula e pago di overtime na 40 ora maximo pa ambtenaar pa luna, ta algo iresponsabel. Asina un grupo di sindicato a bisa dialuna durante un conferencia di prensa. Entre e sindicatonan cu ta afecta tin esun di Douane y polis, esta SADA y SPA, cu tabatin nan respectivo representante. Sigur, segun vocero di sindicatonan Eduard Maduro(SADA), den e forma con esaki a keda presenta siman pasa, refiriendo na e tempo cortico cu a duna di conocemento. Ademas, e regla ‘nobo’ ta crea aun mas desrupcion di servicio. 

E SITUACION

Segun Maduro, gobierno un dia prome cu e regla drenta na vigor, a core manda un carta cu nan a ricibi apenas mainta riba e dia cu e la drenta na vigor. Ademas, e contenido di e regla pa nan, ta aun mas irresponsabel ainda. A sigura cu nan no ta pro overtime, pero mester tene cuenta cu tin un onderbezetting (scarsedad di personal), cu ta pone cu ora cu limita e overtime, bo ta crea mas problema envez di solucion. Maduro ta papia te hasta di ‘monster di buraco’. Sigur ora cu bo cuminsa forza hende di tuma time back, siendo cu falta personal. Y cu esaki tin mas problema pasobra ta crea menos hende na trabou unda cu tin lugarnan cu no por funciona mas. Bombero, y polis ta djis algun di nan, y tambe douane. Nota: E potret ta uno di archivo di noticiacla.