Parlamento tratando e dos topico di enseñansa hunto awe

ORANJESTAD – E reunion publico di parlamento awe mainta pa trata problemanan enseñansa, for di comienso tabata un reto. A inicia cu peticion pa trata e dos topico riba agenda, esta e asunto di school geld aumenta pa SKOA, y e maestra suspendi na un scol na Kudawecha. Eynan caba a surgi un discusion entre e partidonan di oposicion y di gobierno. Na final presidente di parlamento a dicidi cu ta trata e topiconan aki hunto. Te na momento di e raportahe aki, tabatin dos mocion entrega caba, uno di AVP y uno di MEP.

MINISTER

E reunion a cuminsa despues cu presentacion breve di e mandatario di enseñansa, Michelle Hooyboer Winklaar, cu manera anticipa, a indica cu no por bay den mucho detayes mirando cu tin investigacionnan tumando lugar y como tal esaki ta limita e cantidad di informacion cu por a wordo suministra. TE na momento di e raportahe aki, e prome orado Evelyn Wever Croes tabata hiba palabra.

TRIBUNA

E tribuna tabata yen cu maestronan bisti na preto, y otro interesadonan. Na varios momento, mester a interumpi e publico cu aplauso, ya cu segun presidente di parlamento, esaki no ta permisible (pa demostra sosten na un of otro persona den parlamento). E cobertura ta sigui.