CEO di Schiphol a entrega su retiro debi na problemanan di e aeropuerto

CEO di Schiphol a entrega su retiro debi na problemanan di e aeropuerto

Posted on 09/15/2022 9:12 am AST | Updated on 09/15/2022 9:12 am AST

\SCHIPHOL – E hefe grandi di aeropuerto principal di Hulanda Schiphol, Dick Benschop a entrega su retiro diaranson anochi. E ta keda den funcion te ora cu tin un reemplasanta. Segun Benschop, tin hopi atencion y critica riba e manera cu Schiphol ta atendiendo cu tur e problemanan actual y su responsabilidad como CEO. “Mi ta traha lugar, riba propio iniciativa, pa duna Schiphol e espacio pa haci un cambio. Mi no kier pa e atencioin riba mi persona bira un estorbo pa Schiphol” e CEO a bisa den un mensahe di video riba e portal di aeropuerto.  Benschop a bisa tambe cu Schiphol lo anuncia awe of mayan pa mas medida. Esey ta mal noticia. Tambe lo tin medidanan riba seguridad cu lo keda anuncia proximamente. 

 

  • Jandino y Bon Bini Holland 3 ta gana premio publico di Gouden Kalf

    Jandino y Bon Bini Holland 3 ta gana premio publico di Gouden Kalf

    AMSTERDAM – Considera como e premio Oscar di Hulanda, e conocido comediante, actor y comerciante yiu di Corsou Jandino Asporaat y su team a logra gana e premio Gouden Kalf van het publiek pa e pelicula Bon Bini Holland 3, ganando di Costa y Alles op tafel. E pelicula di aña a bay pa Knor, y e miho serie dramatico tabata Rampvlucht, basa riba e tragedia na Bijlmer na 1992. Pa e lista completo cortesia di e portal hulandes nu.nl, click AKI

  • Van Huffelen: Dia 21 di oktober RMR ta dicidi riba aanwijzing pa Aruba

    Van Huffelen: Dia 21 di oktober RMR ta dicidi riba aanwijzing pa Aruba

    DEN HAAG – Conseho di minister di Reino dia 21 di oktober ta dicidi riba e asunto di aanwijzing pa Aruba. Awe diabierna mainta durante un conferencia di prensa entre secretario di estado Hulandes Alexandra van Huffelen y prensa di Aruba e pregunta a bin, y e mandatario Hulandes a confirma cu e la ricibi e zienswijze (e splicacion/defensa di gobierno di Aruba contra e aanwijzing. “Nos tin cu reacciona eyriba y esey nos lo haci den e RMR di dia 21 di oktober, manera cos ta mustra aworaki” e mandatario a bisa. “E ora nos lo contesta esey”. 

  • Van Huffelen: No a dicidi ainda si ta converti sosten di likidez den un regalo

    Van Huffelen: No a dicidi ainda si ta converti sosten di likidez den un regalo

    DEN HAAG – Mientras cu e ta compronde e pregunta, awor ainda esaki no ta algo cu gobierno Hulandes a tuma un decision ariba. Asina e secretario di estado Hulandes Alexandra van Huffelen a contesta NoticiaCla awe mainta durante un conferencia di prensa despues di e RMR na Den Haag, riba e pregunta si Hulanda ta pesa pa converti e prestamo pa sosten di likides den un ‘regalo’. Otro aña October, Aruba tin cu paga e prestamo aki bek den un solo tiro. 

  • IPKO: Parlamentario di Corsou ta protesta pasobra no por papia Papiamento den Tweede Kamer

    IPKO: Parlamentario di Corsou ta protesta pasobra no por papia Papiamento den Tweede Kamer

    DEN HAAG – Parlamentario di Corsou Rennox Calmes (Trabou Pa Korsou) a crea un momento ‘interesante’ diaranson durante e reunion di IPKO (Inter Parlementaire Koninkrijks Overleg) na Den Haag Hulanda. Esaki ora cu e parlamentario a protesta cu e no por expresa su mes den su idioma Papiamento. Asina e portal Caribisch Netwerk ta raporta. Segun e raportahe, e parlamentario irita, a hiba su discurso pa varios minuut den Papiamento, dilanti di parlamentarionan Hulandes. E parlamentarionan di Aruba, Corsou, St Maarten y Hulanda ta hunto e siman aki, discutiendo netamente riba e.o. e control den democracia y e pasado colonial Hulandes. 

  • Gobierno Hulandes ta duna islanan BES 33 miyon euro pa electricidad duradero

    Gobierno Hulandes ta duna islanan BES 33 miyon euro pa electricidad duradero

    DEN HAAG – Gabinete Rutte a pone 33.6 miyon euro disponible pa acelera e cambio pa electricidad duradero pa islanan BES (Bonaire, Saba y Statia). Asina oficina di informacion di gobierno Hulandes ta informa. Cu e placa aki, dentro di 3 aña 80% di e electricidad riba e tres islanan mester ta genera pa energia solor of di biento. E intencion ta pa reduci prijs di coriente y menos dependencia di p.e. fuel oil y menos nitrogeno.  E gabinete hunto cu e gobiernonan di e tres islanan lo sigui traha pa mas proceso duradero y limita efecto negativo di cambio di clima. Potret ta di archivo di NoticiaCla di e parke solar Stucco na Statia cu a wordo subsidia parcialmente cu fondo di gobierno Hulandes na 2017. Mester menciona acerca cu e pasada di horcan Irma y Maria na september di e mesun aña, e parke a keda intacto. 

  • Presidente di Staten kier Hulanda converti sosten di likides den ‘regalo’

    Presidente di Staten kier Hulanda converti sosten di likides den ‘regalo’

    DEN HAAG – E delegacion di Parlamento na Hulanda actualmente pa e reunionan di IPKO (Inter Parlementair Koninkrijks Overleg) durante e apertura di e reunion diamars, a indica cu Hulanda mester ‘cancela’ e ayudo di likides cu e la duna Aruba como parti di un ‘prestamo’. Asina e portal Dossierkoninkrijksrelaties ta raporta for di Hulanda.

  • Powered by SETAR