- Partido MAS a entrega mocion di desconfiansa contra minster Glenbert Croes
- Na Corsou a sentencia homber Arubiano gara cu 1 kilo y mei di marihuana geplak na barica
- Mas di 2 mil habitante di Aruba, Corsou y St Maarten por vota den eleccion parlamentario Europeo
- Maduro: Venezuela ta sigui cu of sin licensia Mericano pa alivia sancion petrolero
- HOH Academy a ofrece curso ‘ Doctor On Board’ pa ora di incidente riba avion
Corsou tin un hefe di polis nobo den persona di Raymond Ellis
WILLEMSTAD - Sr. Raymond Ellis (60) a keda nombrá komo Hefe di Kuerpo Polisial Kòrsou (KPC). Esaki despues di a okupá e puesto aki pa sinku aña komo hefe interino, i último dos añanan mas intensivo komo hefe na momentu ku sr. Mauricio Sambo a tuma su retiro komo hefe di Kuerpo Polisial. Sr. Mauricio Sambo a tuma su retiro na 2020 debí na e manifestashonnan violento ku a tuma lugá den sentro di siudat na yüni 2020.
Nos a komprondé ku e desishon di e nombramentu aki a kai den reunion di Konseho di Minister di ayera. Alabes a nombra sr. Elbert Sambo (49) komo hefe di prosesonan/operashonnan interno di Kuerpo Polisial.
Aña pasá den luna di mart a habri posibilidat pa solisitut pa e puesto di Hefe di Kuerpo Polisial. Sr. Ellis ku ta na e puesto aki for di sinku aña pasá, pero último 2 aña i algun luna ta mas intensivo, banda di su funshon komo Hefe di Departamentu di Reshèrshi i Informashon, tambe a solisitá outomátikamente.
Sr. Ellis tin un karera amplio den KPC ku a inisiá for di aña 1986 ku el a drenta kuerpo. E tabata na kabes di vários funshon den kuerpo, i el a elevá su mes ku bastante estudio tantu na Kòrsou komo na Ulanda.
Pa loke ta trata sr. Elbert Sambo, na 1993 a drenta kuerpo, pero mesora a bai studia na Akademia di Polis na Apeldoorn, kaminda el a finalisá esaki ku éksito.
For di 1998 sr. Sambo ta bèk den KPC, pero a bai laborá algun aña na Landrecherche den puesto interino. Na 2020 sr. Sambo a regresá den kuerpo polisial i ta forma parti di mando. Awor sr. Sambo tambe a keda nombrá den tal posishon ariba menshoná, despues di tabata hefe interno na e departamentu aki.
Sr. Sambo tambe a sigui vários kurso i studio tantu na Kòrsou komo Ulanda riba vários tereno. NOTA: E texto ta scirbi den Papiamento fonetico di Corsou.
Na Corsou a sentencia homber Arubiano gara cu 1 kilo y mei di marihuana geplak na barica
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
Cu un beca Tula, un studiante di Corsou por haci estudio di historia na Hulanda
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.
Conferensia di trabou di SEA pa stimula exito den estudio di studiante Caribense
ORANJESTAD - E di dos konferensia di trabou di SEA a tuma lugá awe i ayera na Kòrsou, unda tur isla di Karibe i Hulanda a partisipá. SEA, òf Aliansa Edukashonal Stratégiko, tin komo meta primario stimulá éksito den estudio i chèns igual pa studiante karibense. Ademas, a presta atenshon tambe na e prioridatnan di e proyekto SEA.
Juan Luis Guerra y 440, Maluma y Jennifer Hudson tambe ta den CNSJ e aña aki!
WILLEMSTAD – Juan Luis Guerra y 440, Maluma y Jennifer Hudson a keda añadi na e line up pa e proximo Curacao North Sea Jazz Festival na autustus proximo. Juan Luis Guerra ta presenta riba diabierna 30 di augustus y Maluma y Jennifer Hudson riba diasabra 31 di augustus. Fuera di e cantantenan grandi aki, tin Marc Anthony tambe y Eros Ramazoti cu ta presenta tambe durante e festival aki.
Na Aruba doño di cacho Khaleesi ta cana liber, y na Corsou a detene homber cu a tira cacho mata
WILLEMSTAD – Mientras cu na Aruba, ta wardando kico Ministerio Publico ta bay haci cu e doño cu a maltrata su cacho Khaleesi, te cu e la muri, na Corsou, polis a detene un homber cu a tira un cacho mata. Tabata diadomingo pasa den e bario di Kanga, cu e homber aki di 31 aña a menasa un otro homber cu arma y maltrat’e y tira su cacho mata. E la bira fugitivo, pero finalmente diahuebs mainta 7’or polis a pone man riba dje na Suffisantweg. Despues a tene un entrada hudicial na su cas na Kanga. E homber ta deteni, pendiente e resultado di e investigacion.
Na Corsou, Anuschka Cova ta CEO nobo di CHATA
WILLEMSTAD.- Curaçao Hospitality and Tourism Association (CHATA) ta kontentu di por anunsiá nombramentu di Anuschka Cova komo CEO nobo di CHATA. Sra. Cova, tin mas ku 26 aña di eksperensia den puestonan di liderazgo, un base sólido den sektor privá, kolaborashonnan publiko-privá i bon komprondementu di e sektor di turismo.
Follow NoticiaCla
