Na Corsou, sindicatonan a menasa cu e siguiente yamada lo ta na nivel nacional contra recorte 12.5%

Posted on 09/15/2022 9:05 am AST | Updated on 09/15/2022 9:08 am AST

WILLEMSTAD.- Ayera tabatin un asistensia masal di miembronan di e seis sindikatonan na e reunion general konhunto ku e sindikatonan a yama na PWFC. Ta trata dje sindikatonan ABVO, DOEN, NAPB, SAP, STrAf i STSK, kaminda nan ta eksigí di gobièrnu pa kita rekorte di 12,5%, i los esaki for di e pasamentu di e Lei di Standarisashon di Ingresonan Tòp.

Durante e reunion, trahadónan a presentá moshon riba e asuntu aki ku nan no ta aseptá mas. A opta pa bai Wilhelminaplein, i pa for di einan bai gobièrnu. Mirando esaki, gobièrnu a pone miembronan di kuerpo polisial na sitionan stratégiko pa e manifestantenan ku tòg a yega Wilhelminaplein.

E lider sindikal Juan Lourens a indiká na e miembronan presente, ku gobièrnu a menasa di hiba nan korte pa bai laborá, pero nan no ta duna gobièrnu chèns den esaki, i p’esei ta pidi tur hende bai nan trabou. Pero si ta bisa miembronan ku lo bai elevá e situashon aki na nivel nashonal. Pasombra den reunion ku gobièrnu, a splika ku ámtenarnan i esnan igual ke un fecha konkreto ki dia ta kita e 12,5%. Gobièrnu no por duna fecha, abase e kondishonnan ku Ulanda a manda i a mara e 12,5% na e Lei di Standarisashon di Ingresonan Tòp.

Gobièrnu kier a bai splika e proseso ku e ta na parlamentu, pero pa e Bloke di 6, esaki no ta nan asuntu. Sindikatonan tabata kier un fecha konkreto ku gobièrnu no por a duna nan.

Komo lider sindikal, nan ta bai elevá loke nan ta hasiendo na nivel nashonal, dor di aserka tur e tres sentralnan sindikal na Kòrsou. Ta bai papia ku tur tres sentralnan, i e siguiente yamada lo ta na nivel nashonal.

Pasombra loke ta sosodé ta inaseptabel pasombra ora a bin ku e lei di rekorte di 12,5%, niun kaminda den dje no ta para ni a mara esaki na e Lei di Standarisashon di Ingresonan Tòp. Gabinete Pisas mester tin e balentia pa splika Hulanda ku e kos ei no por. E proksimo yamada lo ta masalmente na nivel nashonal. Tur hende mester sali pa mustra sea gobièrnu di Kòrsou òf di Ulanda ku e kos aki ta inaseptabel, sr. Lourens a terminá bisando. NOTA: E texto ta scirbi den Papiamento fonetico di Corsou.

Corsou ta registra caso di asesinato riba homber di 26 aña
WILLEMSTAD – Wikènt tras di lomba polisnan tabatin man yen ku trabou. For di djabièrnè anochi, kaya tabata basta drùk. Djasabra den kareda di algu pa 8 or di anochi, Sentral di Polis a risibí informashon ku den outo di famia lo a trese un hòmber na sala di emergensia di C.M.C. ku herida di bala na altura di su pechu i su kondishon tabata krítiko.
Mas Corsow
Lesa Mas
Na Corsou diamars próksimo Campo Alegre ta na findishi
WILLEMSTAD - Tur kos ta kla pa findishi di Campo Alegre tuma lugá djamars awor dia 26 di sèptèmber. Esaki despues ku e findishi di aña pasá pa benta dje sentro di dibertishon, no a sigui.
Mas Corsow
Lesa Mas
Wardacosta na Corsou a intercepta otro boto cu 20 imigrante indocumenta awe marduga
WILLEMSTAD – Awe den oranan di mardugá Wardakosta a interseptá un boto sùit di Kòrsou ku sigur 20 ku tur probabilidat venezolano abordo. Intenshon tabata pa tur drenta Kòrsou di forma ilegal pero nan plan aki kai na awa na momentu ku radarnan di militar a detektá e boto aki yegando kosta di Kòrsou. Mesora a bati alarma i e metalshark di Wardakosta a logra para e boto i detené tur esnan abordo di e jola kolo blou aki. Manera a indiká tabatin komo 20 persona abordo entre kual hende hòmber, hende muhé i mucha. Alrededor di 3:15 a drenta haf di Kòrsou ku tur e detenidonan i a bai direkshon di Parera unda nan ta keda prosesá pa despues den futuro keda deportá. NOTA: E texto ta scirbi den Papiamento fonetico di Corsou.
Mas Corsow
Lesa Mas
Van Huffelen: ‘Si nos no ta hasi nada, otro aña ENNIA lo tin problema ku pagamentu di penshun’
WILLEMSTAD - Sekretario di estado Alexandra van Huffelen djamars mainta den un rueda di prensa ku prensa Karibense di Reino Hulandes a duna mas detaye tokante fiansa di 1.2 miar Naf ku Hulanda ta ofresé Kòrsou pa yuda ENNIA. Segun Van Huffelen gobièrnu di Hulanda i Kòrsou ta preokupá tokante situashon finansiero di ENNIA. “Si nos no ta hasi nada, for di komienso di 2024 ENNIA lo tin problema pa paga tur hende nan penshun kompletu. No tin otro opshon, nos tin ku invertí e sèn den ENNIA. Si no, no por garantisá penshun mas.”
Mas Corsow
Lesa Mas
Tweede Kamer lo vota tocante mocion pa ‘nulmeting’ den enseñansa naCorsou
WILLEMSTAD - Parlamento hulandes den siman di 26, 27 i 28 di sèptèmber lo vota tokante diferente moshon. Entre otro moshon tokante ‘nulmeting’ di enseñansa na Kòrsou. Esaki ta poné den agènda di parlamento hulandes. Manera ta konosí partido polítiko hulandes CDA no ta di akuerdo ku e manera ku Kòrsou a hasi investigashon pa e ‘nulmeting’ di enseñansa. Parlamentario Joba van den Berg tres luna pasá a entregá un moshon pa urgi Kòrsou pa hasi un nulmeting di nobo. E investigashon tin ku wòrdu hasí dor di un instansia independiente, asina Van den Berg ta skirbi den su moshon.
Mas Corsow
Lesa Mas
Na Corsou, Raad van Advies ta preocupa cu exodo debi na pobresa
WILLEMSTAD - Hunta di Konseho ta preokupá pa e desaroyo di nivel di bienestar na Kòrsou. Den nan konseho riba presupuesto 2024 ta konstatá ku entre 2018 i 2021 poblashon di Kòrsou a baha ku 10 mil persona debí na e nivel di bienestar ku a bai atras.
Mas Corsow
Lesa Mas