DCA ta recorda 'Nos Amigo Etty Toppenberg'

DCA ta recorda 'Nos Amigo Etty Toppenberg'

Posted on 09/14/2022 5:33 pm AST | Updated on 09/14/2022 5:35 pm AST

ORANJESTAD - Aruba a perde un gran persona, docente trovador, musico cantante, compositor guitarista un baluarte den historia di musica aki na Aruba y tambe conoci Internacionalmente, su nomber ta: Alex Edward Toppenberg miho conoci como Etty.

Loke mi por bisa di Etty y su Trio Huasteca ta cu varios biaha nos tabata topa otro durante diferente actividadnan festivo caminda bo ta haya Vicente Kelly y Los Pimentosos ta comparti escenario cu trio Huasteca di Etty. Tambe durante Bon Bini Festival y riba Plaza Betico Croes durante actividadnan di Himno y Bandera. Na 2019, mi persona Chencho Kelly y Johnny Scharbaay, como Lidernan di Investigacion y Documentacion di Departamento di Cultura Aruba, a entrevista Etty tocante su trayectorio musical Artistico como Cantante Musico y Artista pa e Proyecto di  “Biografia di Artistanan di Musica Arubano”.

Manera nos tur sa cu Etty a nace na Aruba 19 di augustus 1943, y a fayese 13 di September 2022. 

Etty a lanta den Companashi y ta bin di un famia di diesun ruman. Despues cu Etty a labora varios aña den e Departamento di Impuesto, a bira Maestro di Scol y semper a keda mantene su musica. Etty su palabra tabata, ta dos podium bo tin, esun den klas y esun cu bo ta para canta.

‘Photo Hanna’ tabata un tienda cu tabata bende instrumentonan di musica y tabata keda banda di Djiespy’s Place e tempo ey caminda Etty su ruman homber Ronny cu tabata tin un bon trabou y a cumpra e prome guitara pa Etty di cual ta un ‘Ikam DC’ di Mexico. Di cual cu tempo e guitara a bira un Relikia y e tabata cuide masha hopi.

Cu diestres aña di edad Etty a wordo pidi pa Frère Arnold pa bay canta pa un señora cu a haci cien aña di edad y tabata biba no mucho lew for di Piet’s Soda Fountain. Despues di esey a forma un trio hunto cu Eric y Armando Quilotte. Asina tambe Siegfried Odor (Canawa) cu tabata canta halto y ta famia di Rufo Odor cu a join nan den e trio. Edison Croes tabata tin un programa na Radio buscando talento a scucha nan y tin biaha ta invitanan pa bin toca den su show. Loke nan a ricibi e tempo ey tabata binticinco florin pa nan parti.

 E trio tabata actua na diferente lugarnan manera, ‘Trappers Club’, ‘Goldenhard Club’, na San Nicolas, Club Boneriano, tambe na Savaneta y Lagoheights. Tur caminda tabata bay cu lift.

Dedicacion na musica

Door cu nan tabata canta hopi Ranchera a dicidi pa yama e Trio, “Trio Huasteca”. 

Etty y Eric ta toca guitara y Canawa ta canta, Lucio Rivadeneira ta riba saxofon, un boneriano riba un guitaron tambe Leon (Jon )Scharbaay tabata forma parti di e grupo. Esaki a pone cu Trio Huasteca cu tabata un di e promenan cu a yega te na Plaza Garibaldi na Mexico, bayendo pa Festival di OTI. Tambe a haci show na Venezuela caminda nan a wordo bon acepta pa e bailadornan. Na Aruba Etty a canta cu Mariachi Vargas

 Parti musical y Gruponan

Etty semper a percura pa e tin un dominio ariba su instrumento musical.

Nan tabata train na Radio Kelkboom huntu cu e banda di Lucio Rivadeneria

Etty a forma parti di Los Pricipes, y San Hose di Corsow, 

Etty a toca duna show na Boneiro hunto cu Lucio Rivadeneira y Joy Kock.

Tambe nan a toca den e prome parada di Carnaval di Aruba cu tabata pasa na pia y nan a toca cu Trio Huasteca cu cuarta y guitara y un maraca hunto cu Coyito.

Parti Internacional

Esaki ta un parti hopi grandi di Hawaii te punto Arena Argentina.

A actua na Chile y tambe den un morning show na Hawaii na Televicion Mericano. Nan a bay Festival di Cancion di Caribe na Puerto Rico y sali na di dos luga. Nan a bay festival di OTI na 1978. Tambe nan a bay esun di Puerto Rico despues na 1991. Diestres aña despues nan a bay Festival di OTI na Mexico.

Trio Huasteca ta e unico grupo cu a bay Festival di OTI dos biaha. Tambe a actua na Alemania, na Merca a presenta den ring di Boxeo canta e himno Mericano. Hulanda durante Arubadag. Den Sur America p.e. Peru, Ecuador, Mexico.

Etty a toca dos biaha pa Reina Juliana y Prins Bernard, tambe pa Reina Beatrix y Prins Claus.

Etty su Sugerencia ta dedica na bo musica, Aruba tin tur cos pa duna bo.

Di parti di Director, Staff y Personal di Depatamento di Cultura Aruba (DCA), kier a gradici Alex Edward Toppenberg mihor conoci como Etty pa su contribucion grandemente na e cultura di Aruba cu ta keda graba den e curazon di Aruba pa semper. 

Tambe kier a extende palabranan di Condolencia na Esposa di Etty y famianan, amigonan, musico, muy especial na Trio Huasteca, ex coleganan docente y tur cu conoce y Aruba henter, Etty den su trayectorio artistico, hopi forza den e momentonan dificil aki.

Cu Etty Sosega na Paza den Reino di Tata Celestial.

  • Aruba Lions Club ta prolonga fecha di rifa di auto

    Aruba Lions Club ta prolonga fecha di rifa di auto

    ORANJESTAD - Aruba Lions Club ta conoce e an?a aki su rifa di auto cu ta consisti di 5 premio hopi atractivo manera, un auto electrico pa mucha, un step electrico, un bicicleta electrico, un scooter electrico y cu e promer premio un auto electrico di famia marca “Changan”.

  • Honeypot a lansa nan di tres video clip pa 2022

    Honeypot a lansa nan di tres video clip pa 2022

    ORANJESTAD - Diaranson ultimo a tuma lugar na "On The Rocks Café" , e lansamento di e tercer video clip di e banda Honeypot pa aña 2022, cu nan cancion nobo titula "Still Alive". E cancion aki a wordo graba na Aruba mes den diferente studionan manera  Sunnyray Studio, Kurt Labadie y na Tisspro Studio serca Hubert Thiel, cu tabata encarga cu e mescla final. Produccion di e videoclip, tabata den man di Dani Cruz y Marlon Dubero. Pa 2023 e banda lo bay release nan di 5 studio album. Pa wak e video clip, click AKI. 

  • Wendell Bennett a cumpli 50 aña di servicio den MetaCorp

    Wendell Bennett a cumpli 50 aña di servicio den MetaCorp

    ORANJESTAD - Awendia empleadonan no sa keda traha hopi aña pa e mesun compania. Nan ta duna e miho di nan pa algun tempo y despues ta fada y ta busca un otro “challenge” den nan carera. Wendell Bennett a busca e mesun “challenge” aki den e mesun compania, MetaCorp, durante no menos di 50 aña largo. Manera e mes ta bisa 50 aña ta nifica hopi sacrificio, trabao duro, lealtad y perseverancia. Pa Bennett ta manera ayera, el a conta.

  • A.T.A. y AHATA y Levi Silvani tabatin sesion special p’e trahadonan den turismo

    A.T.A. y AHATA y Levi Silvani tabatin sesion special p’e trahadonan den turismo

    ORANJESTAD - Retonan di salud mental no necesariamente ta refleha den cara di e persona. Asina un cantante y productor musical conoci a inspira hopi trahado den sector HORECA e siman aki. Siendo un persona cu a atende cu problema di salud mental, el a splica con den practica ta balansa su trabou y e reto cu e ta biba cu ne. Mayoria hende no sa mes, pasobra ta necesario pa bo ta contento cu bo mes, den caso bo kier sirbi of entretene un otro.

  • CMB a celebra y ta duna bek na comunidad

    CMB a celebra y ta duna bek na comunidad

    ORANJESTAD - Diasabra anochi CMB a tene su “Block Party for Charity” cu tabata un celebracion hunto cu comunidad di Aruba en conexion cu 60 aniversario di e banco. Den un record di menos di 2 ora a bende e maximo di 600 ticket (Afl. 15.00 cada uno) di cual e banco a match cada contribucion di e publico  florin pa florin pa un total di Afl. 18,000.00.  Asina mes gerencia di e banco Sres. Paul DeWolfe y Roberto Dijkhoff a rond af e suma final na e bunita montante di Afl. 25,000.00 cu lo bai completo pa Fundacion Contra Violencia Relacional (FCVR). 

  • Women’s Club of Aruba a celebra su di 88 aniversario

    Women’s Club of Aruba a celebra su di 88 aniversario

    ORANJESTAD - Women’s Club of Aruba (WCA) a ser funda 88 aña pasa, dia 17 di september 1934. Sra. Lucy Smith, casa di Sr. Lloyd G. Smith, presidente di Refineria di Lago a organisa e prome reunion na Club di Lago den Colony. Na e reunion aki tabatin 150 hende muhe presente. 

  • Powered by SETAR