Conmocion pa noticia di ciere Maho Beach na St Maarten

PHILIPSBURG –E noticia cu a anuncia sierra di Maho Beach na St Maarten, a spanta e amantenan di avion riba e isla, masha hopi awe mainta. Ora cu nan a tuma nota di e noticia publica den e corant “The Daily Herald’, nan no por a kere nan wowo. E beach ta conoci pa e aterisahenan spectacular di avionan grandi. Y tur esey lo a bin na un final.

MOTIBO DI CIERE

E motibo di e ciere, segun e raportahe, ta cu e aeropuerto ta birando mucho peligroso y como tal mester sera e beach. ‘Ademas, cu ciere di e beach, ta bin mas espacio liber pa expansion di e pista di aterisahe.

KEHO

Momento cu e noticia a bira conoci, e telefon di aeropuerto no a stop di ring. Ciudadanonan rabia y spanta, tabata keha cu aki ta perde un atraccion turistico importante na St Maarten. Pa nan suerte, awe tabata 1 di april. Aunke cu nan a bin compronde esey un poco mas laat, ya ora cu e susto a pasa.

Fuente: Persbureaucuracao y Daily Herald St Martin.