- Na Corsou, gobierno kier aumenta “Normering Topinkomens” di 295 mil pa 385 mil
- Na Hulanda, e basis beurs ta bin bek den e proximo aña escolar
- Joran vd Sloot a dicidi di bringa su extradicion pa Merca toch!
- Opinion: Reaccion di Vacation Rental Professionals Aruba riba e informe huurmento di casnan vacacional y capacidad di carga
- Fluho di biento di oost te zuidoost lo pone tempo bira mas calor
Caso Avestruz: Hotelero lo a haya ‘regalo di despedida’ di Sevinger a cambio di placa
ORANJESTAD – E conocido hotelero y desaroyado di proyecto hotelero argentino Alfredo .L (propietario di edificio di Holiday Inn Hotel na Aruba e.o) lo a haya ayudo di e tempo ey minister Benny Sevinger a cambio di pagonan cuantioso haci na e mandatario. Asina hues den D. a confronta parlamentario Sevinger cune durante e tratamento di e caso penal Avestruz diaranson mainta. Un di e proyectonan cu e desaroyado di hotel tabatin interes pa desaroya, ta via Pristine Estates, cu mester a desaroya un hotel na Palm Beach.
PLACA
Durante e intercambio entre e hues y Sevinger, a establece e amistad entre L. y Sevinger, uno di mas di 20 aña for di tempo di e proyecto Bushiri Hotel. L. hopi tempo pasa kier a desaroya e hotel Ritz Carlton pero na e localidad di Fishermans Hut, pero a wordo nenga segun Sevinger debi cu kier a proteha Fishermans Hut. A logra convence L. pa traha riba Holiday Inn mes, renova esaki of bente abou y traha algo nobo eynan. Pero pa L., mester a cambia e permiso pa un hotel all inclusive, traha 100 camber extra y tambe traha un acuerdo nobo di erfpacht ya cu e acuerdo actual lo a vence (60 aña). Durante e tratamento diaranson den corte, Sevinger a bisa cu a dura un tempo pero hunto cu colega Otmar Oduber (e tempo ey minister di turismo) a keda cla y traha aproba e acuerdo nobo pa L.
REGALO DI DESPEDIDA DI BENNY
E peticion pa e tereno erfpacht pa Pristine Estates tabata for di 2015, y a keda cla net despues di e eleccion di 2017, na October net prome cu Sevinger a retira como minister ya cu un gabinete di otro signatura a gana e eleccion. Hues a puntra tambe riba e diferencia di opinion cu tabatin cu sra Dammers na Kadaster/DIP riba e acuerdo aki y cu e tabata contra. Sevinger a sigura cu despues a papia y a logra yega na un acuerdo y tur cos tabata bon. Hues aki a sugeri cu por a considera esaki como un ‘regalo di despedida’ pa L. Regalo ya cu entre 2014 y 2017 L. lo a haci pago di 4 check di 10 mil florin cada un na SVb segun e hues. Ademas, Sevinger riba pregunta di e hues, a admiti cu L. a paga pa e bar di e cumpleaños di yiu muher grandi di Sevinger e tempo ey. Segun Sevinger, e tabata un bunita gesto como amigo pa L. haci esaki. Pero den corte, a mira esaki como pago, a cambio di algo bek. Algo cu pa ley, no ta permisibel y cu awor den e caso aki mester wordo demonstra cu prueba, cu loke a sosode no tabata illegal.
SCHIKKING
Por corda con Ministerio Publico na luna di februari di e aña aki (2022) a cera e caso contra Pristine Estates NV, sospechoso den e investigacion penal Avestruz pa medio di un transaccion (schikking) di 1 miyon AFL. Investigacion di e portal aki a mustra e momento ey cu tabata trata di un compania di Real Estate situa na Noord, y cu tin dos director, di cual un dama local y e otro ta e desaroyador Lowenstein.
SOSPECHO
Pristine Estates NV tabata wordo sospecha di soborno activo. Ministerio Publico a bisa e tempo ey cu e tabata di opinion cu tabatin suficiente prueba contra Pristine Estates NV y cu e hecho pa cual Ministerio Publico a cita Pristine Estates NV por wordo comproba. NOTA: Tuma nota (atrobe) cu e politica di NoticiaCla ta, cu personanan cu no ta figura publico, mientras cu nan ta den proceso legal, ta tapa nan cara y ta usa solamente parti di nan nomber unda cu ta sea pone inicial completo of parcial pero no nomber completo. Dado caso cu nan keda sentencia pa un hues, e ora ta haci nan potret completamente visibel.
Abogado Mr Vito Carlo ta join davidkock legal
Sindicato VWI sorprendi cu declaracion di presidente di Hof riba nan caso di apelacion
ORANJESTAD – Directiva di sindicato Vereniging van Werknemers met een Individuele Arbeidsovereenkomst in dienst van de Water- en Energiebedrijf Aruba (W.E.B.) N.V (VWI) di WEB a keda sorprendi cu declaraciojn di presidente di Hof riba nan caso di apelacion. Manera ta conoci, riba 30 di mei 2023 a sali den diferente medionan di prensa (Diario di 30 di mei 2023 y NoticiaCla di 30 di mei 2023) un declaracion di sr. mr. Mauritsz de Kort, presidente di Corte Comun di Aruba, Corsow y St. Maarten cu a sorprende e bestuur di VWI. “Sr. mr. de Kort ta declara, y nos ta quote: “Ora cu e caso a wordo transpasa di Aruba pa bay pa e combinacion di apelacion, esta e tres hueznan na Corsow, e traspaso no a bay bon, pues nos a perde e caso for di bista”, fin di quote. Cu e “caso”, sr. de Kort ta referi na e caso di apelacion (Hoger Beroep) di VWI vs WEB, esta e caso cu number AUA202100053KG someti na Hof na maart 2021.” Sr. mr. de Kort ta claim cu e “caso no a wordo bon traspasa” y cu door di esaki e “a perde e caso di bista.” Pero VWI na su turno ta puntra su mes ta kico ta pasando na Corte Comun? Aki ta sigui algun feiten:
Afpakteam a detene sospechoso femenino pa malversacion di 2.4 miyon florin
ORANJESTAD - Afpakteam di Aruba a tene un accion awemainta den Caya Frère Johannes, caminda a detene un sospechoso relaciona cu un investigacion di malversacion y estafa. E sospecho ta cu e sospechoso aki a malversa sumanan di placa di mas cu 2,4 miyon florin, cu el a ricibi di clientenan pa entrega na Belastingdienst. Durante e huiszoeking a tuma placa cash, joyas, administracion y computers den beslag. E investigacion no ta cla ainda.
De Kort: Danki na articulo di prensa, Corte a descubri cu a lubida procesa un caso di apelacion
ORANJESTAD – Ta danki na un articulo di prensa cu un caso di apelacion por a wordo trata aña pasa ainda. Asina presidente di Hof, mr Mauritz de Kort a relata dialuna durante e conferencia di prensa pa presenta e relato di aña 2022. Segun de Kort, ta danki na atencion di un trahado di corte cu a tuma nota di un articulo di prensa unda cu sindicato di WEB esta VWI ta reclama tardansa den un caso di apelacion, cu Corte a bin ripara cu enberdad e caso no a keda trata y procesa. Como tal e presidente a pidi pa prensa sigui mantene Corte skerpi.
De Kort: Corte Comun a presenta relato anual 2022: ‘Hende Nobo, Bista nobo!’
ORANJESTAD – Corte Comun di Aruba Aruba, Curaçao, Sint Maarten, Bonaire, Sint Eustatius y Saba a presenta su relato anual di 2022. E tema tabata titula Novus populus cogitationes novas, cu otro palabra, hende nobo, bista nobo. Segun e presidente di Corte Comun mr Mauritz de Kort den hopi aspecto por mira 2022 como un aña di recuperacion, despues di 2 aña di pandemia, cu a frena e operacion di Core obligatoriamente. Asina a tuma un decision pa reasigna cierto departamentonan cu ta sostene corte y su respectivo colaboradornan den nan funcionan nobo. Tambe a para keto na e desaroyonan na algun caso cu tanto den prome instancia como den apelacion den 2022 a tuma lugar. Tambe a pone atencion na e casonan cu a hala atencion riba e.o. Aruba (otro articulo adhunto).
OM y CEA cobrando multanan atrasa y bo por bay cera si no paga!
Follow NoticiaCla
