Despues di 2 aña continuo, DVG a dicidi cu ta stop cu updated di Covid19

ORANJESTAD- Na Aruba pa algun luna caba e casonan di Covid19 ta stabil y nos cuido medico tambe. DVG a informa diahuebs cu nan ta di opinion cu ta ora pa stop cu e Updatenan semanal tambe y sigui  monitor COVID internamente manera cualkier otro malesa infeccioso. Den caso cu DVG cuminsa observa aumento den caso di COVID, manera semper DVG lo sa di alerta y informa comunidad di esaki mesora. E conseho na comunidad ta pa sigui cuida y vacuna.

 COVID tey y lo sigui transmiti su mes pa hopi tempo mas entre nos. P'esey e conseho na comunidad ta pa sigui ta conciente y proteha bo mes y esnan rond dibo cu por ta vulnerabel contra COVID.  Vacuna a hunga un rol hopi importante den e proseso pa controla e Pandemia aki y vacuna lo sigui hunga un rol importante den mantene e casonan di COVID abou.