Parlamentario Sevinger ta awe den corte pa prome dia di caso Avestruz!

ORANJESTAD – Un aña y 4 luna despues cu e la keda deteni pa e caso penal Avestruz, actual parlamentario Benny Sevinger mester presenta den corte awe diaranson mainta 8'or y mei pa defende su actonan den e prome di varios session di corte. Mientras cu tur e presentacionan anterior, e abogadonan so mester tabatey, awe si Sevinger mester presenta personalmente. De hecho, hues dialuna ultimo a puntra sim ester saca un orden oficial pa e presenta of e por conta cu palabra di su abogadonan. E cargonan contra Sevinger ta entre otro soborno (omkoping), abuso di cargo (ambtsmisbruik), labamento di placa (witwassen) y participacion na un organizacion criminal (deelname aan een criminele organisatie). Awe mainta ta e prome di varios apariencia di Sevinger unda cu e parti awe lo ta pa atende e situacion di su fundacion Curason Berde (FCB), hunto cu co sospechosonan, e comerciantenan P. Sussebeek y K. Harms. Corte a reserve awe y mayan pa e caso aki. 

E SIGUIENTE PRESENTACIONAN

Despues di e siman aki, e proximo fechanan cu Sevinger mester presenta ta 25 y 26 di October, 3 y 4 di November, 9 november , y 12 pa 16 di December 2022. Manera por mira, Sevinger ta practicamente e unico sospechoso cu (te awor) mester ta presente pa tur e fechanan cu hues a stipula den e ultimo schedule.