Van Huffelen a ricibi proposicion nobo di COHO di Aruba, Corsou y St Maarten

DEN HAAG – Secretario di estado Hulandes Alexandra van Huffelen dialuna (awe)  a confirma cu e la ricibi e proposicion conhunto nobo di e reformanan conoci como COHO di Aruba, Corsou y St Maarten siman pasa diahuebs 1 di September.  E mandatario a confirma tambe cu ta tratando awor riba e organisacion di un consulta administrativo nobo cu lo wordo trata comienso di oktober awor. Asina e mandatario a contesta Tweede Kamer dialuna (awe) pues den un carta. No ta conoci si e consulta menciona lo tuma lugar den Caribe of na Hulanda. 

CONTRA COHO

Manera ta conoci, durante e ultimo encuentro na Aruba na juni, a palabra cu e tres paisnan lo a usa e zomer pa traha riba e proposicion nobo ya cu e  COHO actual nan no tabata di acuerdo cu ne. Primordialmente e supervision no tabata ‘adecuado’. Recientemente e islanan a termina esaki y awor a entrega e resultado na e mandatario. Lesa e carta AKI.