Hues a autorisa pa transmiti video y audio limita di e caso Avestruz pa publico

Hues a autorisa pa transmiti video y audio limita di e caso Avestruz pa publico

Posted on 09/5/2022 3:31 pm AST | Updated on 09/5/2022 3:38 pm AST

ORANJESTAD – Hues a bay di acuerdo, pa prome biaha, pa transmiti tanto video y audio limita durante tratamento di e caso penal Avestruz. Esaki den cuadro di ‘openbaarheid’ osea transparencia di e caso. Specificamente, lo permiti imagen di video di e apertura di e caso unda cu solamente e hues y griffier lo bin den pantaya, y na final di e caso, ora cu lesa e sentencia. Pa loke ta audio (voz), hues a autorisa pa permiti transmission di e audio ora di e rekistorio di e fiscalnan y e defensa di e abogadonan di e respectivo sospechosonan. E peticion a bin di parti di cierto medionan local y dialuna huez a dicidi riba e tema aki. 

OBHECION

Inicialmente fiscal tabata di acuerdo pa solamente transmiti e audio di e rekisitorio, pero aki abogadonan a protesta y a mustra cu no por ta asina cu ta presenta esey so, pues cu e pueblo ta haya un banda di medaya cu ta keda graba pa semper, y usa como kier, sin cu defensa ta haya nan oportunidad. Como tal a exigi e ora pa nan tambe por presenta nan banda pa tur hende tende. Y esaki a keda aproba. Ta limita esaki si na solamente e parti di e defensa y no ora cu tin cu trata e parti ‘personal’ di cada sospechoso, cu ta bin na final. No ta conoci si e video y audio lo ta cla caba pa cuminsa for di diaranson awor caba. 

CORSOU

Mester bisa cu na Corsou esaki ta un practica di hopi tempo caba, unda cu huez ta transmiti e apertura y e sentencia di e caso y tin biaha te hasta mas. Y periodistanan por retransmiti nan comentario durante e caso mes caba. Aki ainda por solamente e ultimo, pero pa cada caso specifico. Pues, Corsou tabatin un   adelanto riba esaki. 

  • Corte a condena dos polis pa malversacion na pia di trabou y maluso di autoridad

     Corte a condena dos polis pa malversacion na pia di trabou y maluso di autoridad

    ORANJESTAD - Awe Corte den prome instancia a condena e agentenan policial D. y De M. pa un castigo condicional relaciona cu malversacion na pia di trabao y maluso di autoridad. De M. a wordo condena ademas pa violacion di secrecia di trabao. Huez a declara tur dos liber di tuma soborno.

  • Militarnan Venezolano a derumba un avion Mexicano rumbo pa Aruba

    Militarnan Venezolano a derumba un avion Mexicano rumbo pa Aruba

    MEXICO CITY — Un avion Mexicano rumbo pa Aruba a wordo tira abou pa militarnan Venezolano diaranson, despues cu nan a drenta espacio aereo Venezolano. Asina e portal Rivera Maya News di Mexico a raporta. Segun e portal, e incidente a keda raporta pa GJ. Domingo Hernández Lárez, di armada nacional bolivarianos (FANB), riba su cuenta di twitter. Segun Hernández Lárez, e avion tipo Sabreliner registra XB-RXG di Mexico pa aeropuerto Reina Beatrix, a cambia rumbo y a drenta espacio aereo Venezolano di un forma illegal y a keda ‘desactiva’ pa e sistema di defensa riba un pista clandestino den estad di Zulia. A compronde cu ta e di 31 avion cu ta wordo derumba desde 2012.

  • Caso Avestruz: Hotelero lo a haya ‘regalo di despedida’ di Sevinger a cambio di placa

    Caso Avestruz: Hotelero lo a haya ‘regalo di despedida’ di Sevinger a cambio di placa

    ORANJESTAD – E conocido hotelero y desaroyado di proyecto hotelero argentino Alfredo .L (propietario di edificio di Holiday Inn Hotel na Aruba e.o) lo a haya ayudo di e tempo ey minister Benny Sevinger a cambio di pagonan cuantioso haci na e mandatario. Asina hues den D. a confronta parlamentario Sevinger cune durante e tratamento di e caso penal Avestruz diaranson mainta.  Un di e proyectonan cu e desaroyado di hotel tabatin interes pa desaroya, ta via Pristine Estates, cu mester a desaroya un hotel na Palm Beach. 

  • Corte: Susebeek lo a yuda Sevinger cu su cas, a cambio di fabor di tereno

    Corte: Susebeek lo a yuda Sevinger cu su cas, a cambio di fabor di tereno

    ORANJESTAD – Un di e sospechosonan cu a presenta dilanti mesa berde awe diaranson pa e caso penal Avestruz tabata comerciante P. Susebeek (64). E tambe, mescos cu e otro comerciante C.Harms cu a presenta, tabata sospecha di soborno activo di e actual parlamentario y antes minister Benny Sevinger, cu ta e sospechoso principal den e caso. Susebeek lo a paga placa na Sevinger, a cambio di fabor pa tratamento preferencial y tereno erfpacht. Contrario na Harms, Susebeek a nenga di contesta preguntanan di hues, indicando cu e la contesta tur cos caba durante su interogacion. Hues e ora a opta pa cuestiona Sevinger riba e relacion aki y wak con leu nan ta yega. Susebeek a sinta un luna den detencion preventivo. 

  • Hues: Sevinger tabata un ‘stempel machine’ firmando tur tereno erfpacht

    Hues: Sevinger tabata un ‘stempel machine’ firmando tur tereno erfpacht

    ORANJESTAD – Awe diaranson mainta, hues a confronta sospechoso principal pa e caso penal Avestruz, e parlamentaro Benny Sevinger. Rapidamente, scuchando e forma facil con Sevinger tabata anda cu peticion y posibel aprobacion di tereno, a yama Sevinger un ‘stempel machin’. “Bo ta un tipo di stemple machine” hues a bisa Sevinger, riba cual Sevinger a responde rapidamente ‘Ja!”. Pero su tras, Sevinger su argumento ta cu e no tabata bisa no na ningun peticion, pa evita cu e ta wordo acusa di hunga favoritismo politico. 

  • Hues: Comerciante Harms lo por a sponsor Sevinger a cambio di tereno

    Hues: Comerciante Harms lo por a sponsor Sevinger a cambio di tereno

    ORANJESTAD – Awe diaranson mainta ora cu e caso penal Avestruz a inicia cu sospechoso principal parlamentario Benny Sevinger riba e asunto di supuesto otorgamento illegal di tereno di gobierno, e prome sospechoso cu a wordo scucha tabata conocido comerciante C. Harms (67), sospecha di soborno activo di Sevinger cu e tempo ey (2012) tabata minister di infrastructura. E session di awe tabata pa hues interoga e sospechoso y  haya sa di su banda kico ta kico. 

  • Powered by SETAR