Huez: Ta premira cu tin sentencia di caso Avestruz te den Februari 2023

ORANJESTAD – E hues encarga cu e caso penal Avestruz, ta premira cu pa februari 2023 e lo dicta sentencia di e caso aki. Asina e la bisa dialuna mainta den sala di corte ora cu a cuminsa cu e tratamento aunke pro forma. E caso oficialmente ta inicia diaranson awor ora cu e prome tres sospechosonan tin cu presenta dilanti mesa berde. Ta trata di e sospechoso principal, actual parlamentario Benny Sevinger y comerciantenan K. Harms y P. Sussebeek. Lo trata nan envolvimento den e fundacion FCB. E caso ta reparti den tres luna pa despues januari 2023 e hues cera e caso y pa februari (no a duna dia exacto) 2023 e dicta sentencia. 

E SCHEDULE

Awe mainta durante e tratamento di e caso pro forma, e huez procedente di Hulanda, a repasa e schedule tentativo, cu mientrastanto a bira esun definitivo, y cu practicamente no a cambia di loke a propone anteriormente. Esey kier men cu e luna aki lo tin cuater fecha (September 7 y 8 y despues 24 y 25) cu lo tin tratamento. E resto lo keda parti entre October y December. Hues mientrastanto, ora cu abogadonan a argumenta cu porta no tin suficiente tempo pa nan defensa na December, cu e por sigui den januari cu esaki, cera e caso y despues dicta sentencia un luna despues. E hues aki ta uno hopi conoci di Hulanda cu lo tin cu biaha cada bez (pa luna) pa Aruba pa bin atende e caso aki. Lesa e schedule AKI