Prijs di gasolin na Aruba ta bolbe baha drasticamente aki dos siman

ORANJESTAD – Prijs di gasolin ta bolbe conoce un bahada considerable entrante 14 di September proximo. Diabierna mainta durante un conferencia di prensa di minister di economia Geoffrey Wever. E tarifa nobo di gasolin lo ta un bahada di 25.2 cen pa un total di AWG 2.68 cu ta un reduccion di 8.6%, mientras cu pa kerosin lo tin un reduccion di 8.5c cu ta bira AWG 2.70 pa liter y ta un reduccion di 3.1%. Normalmente gobierno ta anuncia e cambio di prijs di productonan petrolero riba e di dos diamars di luna, pero a opta pa haci esaki for di awe caba. E mandatario ta biahando pa exterior otro siman pa un bishita di trabou na Merca hunto cu miembro di Cas Real (Reina Maxima) y pesey lo a opta pa haci e anuncio for di awor caba.