Presentacion buki ‘E Grito di e Shoco’ na Gabinete di Aruba

DEN HAAG – Minister Plenipotenciario Alfonso Boekhoudt a ricibi un ehemplar di e buki ‘E grito di e Shoco’ for di man di autor di e buki Charlotte Doornheim y editor Jeroen Hoogerwerf, di cas editorial Levendig Uitgever. Esaki tabata e momento oficial durante di un programa especial rond di e buki aki. ‘E grito di e Shoco’ ta e buki regaldo di e Festival di Buki pa Mucha na Aruba 2014 y a keda reparti bou di tur e alumnonan na e scolnan basico na Aruba.Minister Boekhoudt a felicita e autor y editor cu e bunita buki aki y a bisa di ta contento pa mira cu e buki ta rindi homenahe na nos identidad. HOOGERWERFSr. Hoogerwerf a splica cu e Festival di Buki pa Mucha na Aruba ta sigi esun di Hulanda pa loke ta e tema, cu na 2014 tabata fiesta. ‘Charlotte pa su buki, simplemente por a scohe pa Carnaval, pero ela bai pa e celebracion di Fin di Aña y e musica di Dande. Tambe Charlotte a usa otro temanan di Aruba den su buki, manera e cobamentonan di restonan arkeologico indjan, e shoco como simbolo di Aruba y proteccion di nos naturalesa,’ asina sr. Hoogerwerf a bisa.Tambe sr. Hoogerwerf a bisa cu e buki ta uno masha special, pasobra e ta contene algun fragmento filmico den dje, cu e lesador por mira ariba nan celular pa medio di un QR-code.Pa 2015 e buki regaldo di e Festival di Buki pa Mucha lo wordo scirbi pa e autor Arubiano Curt Fortin, cu ilustracion di Mariella van de Beek.