ATIA a instala directiva nobo durante Asamblea General

ORANJESTAD - E organisacion di comercio y industria di Aruba (ATIA) tin un directiva nobo pa aña 2015-2016. Dos miembro den directiva di aña pasa a baha y a habri caminda pa dos nobo. Sra. Nicole Baptista y Sr. Prakash Gupta a baha y ATIA ta gradici nan pa nan tempo, dedicacion, y trabou realisa durante nan participacion den directiva. E miembronan di e directiva nobo ta Sr. Ravee Nandwani y Sra. Indira Solognier.

DIRECTIVA 

E directiva nobo di ATIA ta conta cu 11 miembro procedente di varios segmento den nos comercio y ta consisti di Sr. Ronnie van Trigt (mantencion), Sr. Roland Croes (tele comunicacion), Sr. Michel Henriquez (salubridad), Sr. Enrique de Cuba (recurso humano), Sr. Jim Hepple (turismo), Sra. Gina Habibe-Arends (bancario), Sra. Indira Solognier (accounting), Sr. Ravee Nandwani (retail), Sr. Folkert van der Woude (construccion), Sra. Mireille de Miranda (impuesto) y Sr. Donald de Veer (transportacion y logistico). E di 70 asamblea general di ATIA a tuma lugar na Surfside Marina, entre miembronan di e organisacion cu a vota unanimamente pa e directiva nobo.

PANEL

Den un bon ambiente e asamblea e termina cu un panel discussion cual a consisti di Sr. Javier Wolter, Sr. Ru Croes, Sra. Cari Wolter, Sr. Benno Oldenhof, Sr. Michael-Leo van Romondt hunto cu Minister di Finansas, Sr. Angel Bermudez riba e topico finansas publico y reforma fiscal. Cada panelista a contribui cu nan experticio na un panel discussion sumamente interesante.