Huma blanku porfin: Minister a yega na palabrashonnan konkreto ku sindicato di polis na Corsou

WILLEMSTAD- Despues di basta tenshon i mal kontentu, porfin sindikato NAPB a yega na palabrashonnan konkreto ku Minister di Hustisia Shalten Hato.

Ku hopi interkambio di palabra tras di lomba entre minister i tambe e trahadónan di KPC representá pa nan sindikato, minister a bai di akuerdo pa reuní ku e grupo ayera anochi. Despues a logra tòg pa reuní den dia mirando ku e reunion ku tabatin den parlamento a keda di skòrs. Minister a indiká ku e reunion a kana den un bon esfera, ameno, i fruktífero. Finalmente e partidonan a logra yega na palabrashonnan konkreto. A yega na 3 diferente palabrashon. E promé palabrashon ku a yega na dje, ta ku kasonan individual lo wòrdu trata den un grupo di trabou spesial

Un di e puntonan ku sigur tabatin atenshon di tur e miembronan, ta e kaso di un kolega ku a keda tirá na momentu ku e tabata kumpli ku su labor. Awor algun aña despues nan a kùr e af. E kaso spesífiko aki tambe lo keda atendé den 1 luna.

Finalmente Minister di Hustisia a instruí ministerio di hustisia pa lanta un grupo, ku e tarea spesífiko pa bini ku un maneho en general pa hinter ministerio di Hustisia ku lo atendé ku insidentenan riba trabou, pues “ dienstongevallen” Esaki mester konta no solamente pa polis, pero tambe pa tur otro organisashon vital.

Ku esaki por konkluí ku e reunion aki a terminá den pas i harmonia. Djaweps lo reanudá un reunion ku e demas sindikatonan huntu ku tópikonan general. NOTA: Texto ta scirbi den Papiamento fonetico di Corsou.