Wind Creek Aruba a entrega 40 mil dollar extra na donacion durante e long table dining

ORANJESTAD – Durante e di 4 edicion di e ya popular Long Table Dining di Wind Creek Aruba (propietarionan di Renaissance Hotel) diadomingo anochi, tabatin un sorpresa grandi. Mirando e acogida inmenso durante di votashon di e videonan pa saca ganador di e fundacion cu mester a ricibi 40 mil dollar,  Wind Creek Aruba a dicidi e ora di premia 4 organisacion extra di sorpresa cual cada un a ricbi $10.000. Esaki tabata inespera pa cual a logra un applauso inmenso di tur esnan presente. 

E CONCEPTO

E concepto ta cu ta duna 1000 persona chens pa cumpra carchi pa come na e mesa mas largo di Aruba durante cena, pafo, den aire liber riba caminda. Den un tempo record, e personal di hotel ta transforma e caminda den un mesa gigante di cena unda cu den un forma hopi bon coordina, ta sirbi e mil (1000) personan un cena suculento, completo cu su ‘toetje’. Musica ta deleita esnan presente, y por mira e agilidad den cual e operacion ta tuma lugar. Ya pa 11’or di anochi, e caminda tabata cla pa trafico di vehiculo. Tur entrada ricibi ta bay 100% pa e instancia(nan). Y tur loke ta wordo usa y ricibi, ta danki na patrocinadornan gentil. 

E fundacionan cu a ricibi nan suma sorpresa tabata:

Stichting BOB Aruba

Pasadia Bibito Pin

Fundashon Arubano di esnan Visualmente Incapacita 

Cas di Cultura