Suzy Camelia Römer ta reemplaza Earl Balborda pa minister

WILLEMSTAD - Suzy Camelia Römer lo reemplaza Earl Balborda como minister pa partido Nashonal na Corsou. Esey a keda dicidi den reunion di directiva di partido dialuna anochi. Awor ta keda pa afirma esaki durante e reunion general di miembro, aunke cu esaki ta keda meramente un formalidad, manera cu NoticiaCla.com a compronde. Den medionan di comunicacion di Corsou awe, tur a anuncia caba, cu Camelia, de facto ta e persona pa reemplaza Balborda, cu algun siman pasa (6 di maart) a entrega su retiro despues cu e lider di partido, Humphrey Davelaar a bisa di no tin confiansa mas den e minister. Tabatin algun critica cu no ta duna chens pa hendenan 'nobo' y 'hoben' subi y asumi e funcion. Pero e pensamento cu tin apenas un aña mas pa bay, y no ta logico ni strategicamente sabi pa pone un hende sin experencia, faltando un aña pa e gobierno aki yega su termino regular. Tin eleccion na Corsou na 2016. Foto cortesia Yves Cooper.