Aruba ganador di Orco Bank Blue Marlin Release Tournament

WILLEMSTAD - E fin di siman ku ta tras di lomba mas ku 120 piskadó di Aruba, Boneiru, Venezuela, Merka, Spaña i Kòrsou, den 34 yate i boto a partisipá na e di 49 edishon di Curacao Yacht Club Annual International Orco Bank Blue Marlin Release Tournament. E torneo ku a tuma lugá na Curaçao Yacht Club ta e di dos di mas bieu den Karibe. E ta un torneo kaminda piskadónan ta kompetí pa wak ken por piska mas tantu Balaú i gana e promé premio di $10.000. Durante e torneo tabatin entre otro premio pa esun ku piska e Dradu di mas grandi, e Mula di mas grandi, e Buní di mas grandi i tambe pa esun ku piska mas tantu Sailfish òf White Marlin. Manera e nòmber ta bisa e balaú ta wòrdu barká solamente si e ta mas pisa ku 500 liber. Kiermen piskadónan mester saka potret di e balaú nan mas chikí pa komprobá ku nan a piska nan. Dradu, Mula i Buní sí ta wòrdu trese tera. E motibu ku no ta barka e balaú chikí ta pa protehá nan, pa motibu di skarsedat mundialmente.E mihó piskado di e torneo tabata Izaira Mansur di e lancha Alina di Aruba.E mihó kapitan di e torneo tabata Bincho Mansur di e lancha Naira di Aruba.E ganador apsoluto, i ganadó di $10.000 i diferente premio mas, tabata e ekipo di Naira di Aruba.E di dos lugá a bai pa e lancha Alina, tambe di Aruba, ku a gana $5.000.E di tres lugá a bai pa e lancha Le Grand Blue di Boneiru, ku a gana $3.000.E trofeo pa Dradu di mas grandi a bai pa Jackie Croes di e lancha Alina di Aruba, e trofeo pa Mula di mas grandi a bai pa Barry d’Abreu de Paulo di e lancha Picante di Kòrsou, i e trofeo di Buní di mas grandi a bai pa e lancha Nubarrón di Venezuela. E lancha Talika a hana e premio pa mas tantu Sailfish i tambe e premio di konsolashon a bai pa e mesun lancha aki (Talika) di Aruba!Pa loke ta piskadónan bou di 18 anja, Kai van der Lubbe di e lancha Just Us di Kòrsou a sabi di bai ku e premio. Izaira Mansur di e lancha Alina di Aruba, a gana e premio di e mihó dama piskadó. Ademas a duna premio pa e promé i último Balaú piská durante e torneo. E premio pa e promé a bai pa Le Grand Blue di Boneiru i pa e último e premio a bai pa Just Us di Kòrsou. E piskanan ku a wòrdu trese aden ta wòrdu bendí ku e fondonan destiná pa Hospice Arco Cavent.Organisadónan ta gradisí tur spònsernan ku a hasi e torneo posibel. Espesialmente e spònser prinsipal Orco Bank, e spònsor platinum i e spònsornan di oro Amigoe, Ennia, Chippie i Kandela Cigar Lounge. Otro aña Curacao Yacht Club ta selebrá e di 50 edishon di e torneo aki i e ta priminti di bira algu espektakular!Foto 1 ta mustra e ekipo ganadó di e torneo. E lancha Naira di Aruba.Foto 2 ta mustra e piskadó ganadó Izaira Mansur di e lancha Alina di Aruba.Foto 3 ta mustra e ekipo ku a sali na di dos luga. E lancha Alina di Aruba.Foto 4 ta mustra e ekipo ku a sali na di tres luga. E lancha Le Grand Blue di Boneiru.Foto 5 ta mustra e ganadó Junior di e torneo, Kai van der Lubbe di e lancha Just Us di Kòrsou. Pa mas informashon por yama Brigitte Hoogerwerf na 525-7025 of mail na brigitte@epiphanygals.com