Director hulandes di SLM a huy di Surnam via Guyana Frances

PARAMARIBO – E director hulandes di e compania  Surinaamse Luchtvaart Maatschappij (SLM), Paul de Haan diamars a huy cu su casa y yiunan for di Surnam. De Haan, no obstante un prohibicion di salida, a sali via Guyana Frances cu un buelo di Air France pa Paris. Asina prensa di Surnam ta raporta. Ya for di dialuna e director lo a pidi su chauffeur pa bay su oficina y saca tur su pertenencianan personal. Tabatin informacion cu fuera di e director, algun otro ehecutivo tambe tabata planea pa huy di e pais. Un di nan, Bissessur a wordo gara y deteni na aeropuerto di Surnam. E problema ta cu tur ta wordo sospecha di mal maneho di e compania, pa cual a descubri iregularidadnan. E aeroliña tin un debe gigantesco y ultimo tempo tin masha problema operacional. Actualmente e aeroliña Airhub ta transportando pasahero entre Amsterdam y Paramaribo.