Segun raport di Banco Central, inflacion na Aruba ta subiendo

ORANJESTAD - Inflacion na Aruba a bini ta aumentando desde inicio di 2021 den un paso mas modera. Asina rapport di Banco Central diamars ta informa. E Inflacion midi na luna di maart 2022 y compara cu maart 2021 a yega na 4,0 porciento. Ora di midi e inflacion como cambio den porcentahe den promedio anual di e tasa di inflacion pa e periodo di maart 2021 pa maart 2022, inflacion na Aruba ta yega na 2,1 porciento na final di maart 2022. E tasa di cambio real di florin Arubiano vis-à-vis dollar Americano ta continua su trajectoria di bahada den e promer trimester di 2022, mehorando asina e posion competitivo di Aruba compara cu Estados Unidos. E mehoracion aki den e posicion competitivo ta resultado di e situacion cu prijsnan di consumo na Estados Unidos ta aumentando mas rapido cu esnan na Aruba. Na maart 2022 e promedio annual di e tasa di inflacion na Estados Unidos a suma na 6,2 porciento, compara cu un aumento di 2,1 porciento na Aruba.