DVG: Dos posibel caso di Monkeypox detecta na Aruba

ORANJESTAD - Mientras cu un dia prome, Corsou a confirma su prome caso di Monkeypox, aki na Aruba ainda ta warda confirmacion di RIVM Hulanda riba testnan haci, unda cu ta mustra cu Aruba tambe por tin un caso cu un resultado positivo preliminario di Monkeypox y un otro caso sospechoso bou investigacion. Asina departamento di salud (DVG) a anuncia diasabra mainta. Ta trata aki di 2 caso relata na otro. E personanan ta den isolacion y ta wordo guia pa personal di seccion di Malesanan Infeccioso di DVG. Mas informacion riba e casonan lo wordo duna den transcurso di e dianan cu ta sigui.NOTA: E potret ta uno generico y no di un caso actual relata na e noticia aki y ta puro pa ilustracion di monkeypox.