Aruba presente den wega Hulanda-Spanja

SALVADOR/ORANJESTAD - Mientras cu na Aruba, fanaticonan di Hulanda por a wak e wega na nan cas, of otro establecimento pa apoya nan ekipo, algun a bay 'all the way' y mira e wega 'en vivo' den e stadion mes unda cu e wega entre Hulanda y Spanja a tuma lugar. No ta nada stranjo ya cu durante ultimo mundial tambe tabatin rubiano na e copa mundial cu a presencia e weganan. Mayoria biaha ta trata di comerciantenan cu ta probecha di un of otro bishita comercial y ta tuma algun dia extra pa mira e wega. Of ta simplemente dicidi pa 'bay wak e wega'. Den e caso aki ta trata di conocido comerciante Francis Saladin cu su pareha Ana Maria, cu a presencia e wega grandi awe. Bisti na oranjo y cu e bandera di Aruba, nan a fungi como Aruba su embahadornan durante e wega. Riba e foto por mira momento den e stadion na Salvador, unda cu nan dos a luci cu e bandera y mustra cu nan tin 'Aruba' den mente!