Avianca ta ‘spaar’ Aruba y Corsou di cortamento di 12% di su buelonan

BOGOTA – E di dos aeroliña mas grandi di Latino America, Avianca ta spaar Aruba (y Corsou)  di e reducion di 12% di su buelonan proximamente. E motibo di e cancelacion ta e prijs halto di fuel y inflacion. Asina e portal Aviacionline ta raporta. Ademas e ta corta 28% di su buelonan pa Centro America. Pero tur e cortamento aki ta temporal y ta te cu November proximo. Destinacionan cu no ta afecta ta e.o. Aruba, Curacao, Buenos Aires (Argentina), São Paulo (Brazil), Rio de Janeiro (Brazil), La Paz (Colombia), Santa Cruz de la Sierra (Bolivia) y Santo Domingo (Republica Dominicano).

RECUPERACION

E industria di aviacion di Latino America, a casi recupera pa su nivel di 2019 prome cu e pandemia, pero aumento di prijs di gasoline y devaluacion di placa ta menasando e aeroliñanan un biaha mas di cay den un problema financiero. Gasolin ta 30% di e gasto di un aeroliña. Y mayoria di e problemanan ta for di control di e aeroliñanan.