Garage Cordia a impresiona cu su 'The Redzone Celebration'

ORANJESTAD - "Nos deal a resulta fantastico, tur esunnan interesa den cumpra un auto nobo no por a kere ora nos a bisa nan di e oferta", asina Danilo Werleman, gerente di Garage Cordia a sigura, despues di un evento di benta di auto exitoso na San Nicolas. E agencia di autonan di marca Toyota, BYD y Lexus ta ofrece 3 aña di "free service" na tur cu cumpra un auto nobo, durante nan celebracion di 50 aña di existencia. Pa por haci e oferta miho ainda, Garage Cordia a duna tur esunnan cu a cumpra un auto nobo Afl. 1500 "cash back" durante e evento "Approval City" organisa pa Caribbean Mercantile Bank. Pa esunnan cu a cumpra un di e autonan di e tecnologia "Hybrid" a haya 5 aña di "free service". E prome modelo di auto cu Garage Cordia a cuminsa bende 50 aña pasa y cu ainda ta bendiendo ta e modelo Corolla. E ta e modelo di auto mas bendi na Aruba. Riba dje a duna tur cumprado Afl. 2000 "cash back". A bende tur e modelonan disponibel durante e evento den fin di siman na Carnival City. Garage Cordia ta masha orguyoso di e modelo Corolla, pasobra e ta bin den tres diferente estilo. Un ta e modelonan basico, esun di luho y esun deportivo. Tur tres modelo ta conta cu un motor di 1.8 liter. E unico diferencia ta cu e modelo deportivo ta cu cuero paden. Ta bon pa subraya cu e modelo Toyota Corolla ta e unico auto na Aruba bou di 100 mil florin cu tin un "LED Headlamp". E ekipo di mercadeo di Garage Cordia a impresiona masha durante e evento y a resulta un di e boothnan mas bishita y mas gusta bou di tur esunnan cu a atende.