Kansas ta e prome estado Mericano cu a ratifica e derecho di abortus via un referendum

KANSAS CITY – E votadornan di e estado Mericano di Kansas, tabata e prome pa vota e siman aki den un referendum na fabor pa mantene e derecho di abortus intacto, manera cu e ta den e constitucion den e estado, y ta considere como un derota pa esnan cu a purba di cambia esaki recientemente di forma nacional. Recientemente Corte Supremo a revoca e ley di ROE vs WADE cu pa 50 a determina cu derecho di abortus ta un derecho federal. Esey kier men cu cada estado por dicidi individualmente si nan ta respeta e derecho di abortus of no.