Trahadonan di Ling & Sons a protesta awe mainta

ORANJESTAD - Awe de oranan di mainta Federacion di Trahadornan di Aruba (FTA) a yama un accion di protesta na supermercado Ling & Sons debi na actitud denigrante cu gerencia a tuma durante negociacionnan di e Contrato Colectivo (CAO), segun e sindicato.  

Segun e sindicato, entre otro gerencia, por medio di nan CFO, a haya bon pa bisa cu 80% di e trahadornan no lo ta produci y cu tur empleado excepto e delegadonan lo ta contento. Despues gerencia lo a reta esnan cu no ta contento pa presenta nan mes, locual a desemboca den un accion general di protesta.

“Ta di spera cu gerencia reflexiona y recapacita riba su actitud pa di e forma aki partidonan por bai bek mesa y negocia un pakete di beneficio cu ta acceptable pa tur partido envolvi” e sindicato a finalisa bisando awe riba nan portal. Potret di FTA.