Caso di tiramento y hincamento na Watapana Gezaag

ORANJESTAD - Diabierna den oranan di atardi ta drenta un informe cu personanan den Watapana Gezaag a scucha varios tiro. Na prome instante a bisa cu dos homber tabata bringando y un a hinca e otro y un otro a tira. Pero despues di un rato ta yega un persona hincá na Centro Medico. Mesora polis a bay na e Centro Medico y un otro patruya a bay na e sitio. Na e sitio testigonan a splica polis cu un altezza Blauw cu dos persona aden a para, y nan baha for di auto, hincando un di e dos personanan cu tabata canando riba caya. Esun cu a wordo hinca a los algun tiro den direccion di e dos personanan. Mesora e dos personanan aki a subi den e auto y a bay for di e sitio. E persona hincá a wordo hiba cu auto pa Centro Medico y despues el a wordo transporta pa hospital pa un tratamento medico mas avansa. Mirando cu e mes lo a los varios tiro, un patruya di polis a bay tras di ambulance pa asina detene esun cu a wordo hincá. Mesora su tras, a cuminsa un buskeda pa e altezza blauw. Y na un cas conoci pa polis den Weg Rooi Hundo, polis a bin topa cu e auto. Mesora a pidi presencia di team di aresto pa yuda drenta e cas y detene e dos ocupantenan di e altezza. E team di aresto a yega na e cas, pero despues di a haci nan entrada hudicial, nan no a logra topa cu e personanan cu tabata den e alteza. Segun testigonan eybanda, nan a staciona e auto eynan y a move na pia bay direccion pabou. Polis a busca pa basta rato pero no a logra topa cu nan te ainda. Pero nan ta wordo busca pa husticia. E sitio na Watapana Gezaag , -unda e delito a wordo cometi-, a keda cera pa basta ora pa mas investigacion.