Mama di Natalee Holloway cu demanda miyonario contra programa riba su desaparicion

ALABAMA – E mama di Natalee Holloway, e teenager Mericano cu a disparce na Aruba na mei di 2005, a demanda un compania di produccion di television pa 35 miyon dollar, pasobra e compania lo a produci un programa riba e tema di desaparicion di su yiu muher, yena cu falsedad y trocemento di imagen. Asina e portal The Wrap ta raporta.  E compania a reacciona desapunta y cu a tuma nota di e demanda, y a manda palabra di sosten pa e famia. Nan argumento ta cu e compania a produci e programa cu asistencia di e tata Dave Holloway y a sigui su investigacion haci. “Nos a spera cu e informacion provee, lo a yuda cera e capitulo aki pa e famia” e compania a sigui bisa. 

PROBECHO

Hopi di otro banda ta wak e acto aki di e mama como un otro forma di chica placa di un incidente lametable, pa probecho personal. For di momento cu e caso a tuma lugar na Aruba, e mama a dedica su bida na haya claridad y busca paradero di su yiu. Esaki ta di admira y comprendibel pa un mama cu a perde su yiu, pero di otro banda, hopi ta condena cu e forma con e ta haciendo esaki, ta pa propaga su mes y cobra placa a cambio cu tur sorto di programa, entrevista y mas.